Búum við erfið vetrarskilyrði/Já það satt,nú er komin snjóflóðahætta á Austrlandi!!!

„Búum við erfið vetrarskilyrði“ Innlent | mbl.is | 30.1.2013 | 8:49 Frá því klukkan tvö í nótt hefur Vegagerðin unnið að því að reyna opna Seyðisfjarðarveg.

„Það á ennþá eftir að taka einhverja klukkutíma,“ segir lögreglumaðurinn Jens Hilmarsson í samtali við mbl.is, en hann var staddur á veginum nú á níunda tímanum til að skoða aðstæður.

„Það voru einhverjir bílar sem voru skildir eftir hérna um helgina,“ segir Jens og bætir við að menn séu að athuga með það hvort hægt sé að sækja þá. „Leiðir verða ruddar í dag þannig að lífið kemst af stað aftur,“ segir Jens ennfremur.

Óvissustig enn í gildi Óvissustig vegna snjóflóða er enn í gildi á Austurlandi. Að sögn Vegagerðarinnar er enn ófært á Möðrudalsöræfum, Vopnafjarðarheiði, Fjarðarheiði og í Oddskarði.

Aðspurður segist hann ekki vita til þess að ökumenn hafi lent í vandræðum á fjallvegum í gærkvöldi eða í nótt. „Við erum dálítið vön að vera í ófærð,“ segir Jens og bætir við að veturinn hafi minnt á sig í ár.

Veðurspáin fyrir næstu daga á Austurlandi er þokkaleg en um helgina er spáð frekari ofankomu.

Mikilvægt að hafa þyrlu nær Aðspurður segir Jens að menn hlutirnir hafi gengið upp varðandi sjúkraflutninga. „Öryggismál er hlutur sem við hugsum töluvert um hérna á Austurlandi en við búum við þessi erfiðu vetrarskilyrði

. Eins og staðan er í dag þá er þyrlukosturinn okkur mjög erfiður, því hann er í tveggja og hálfs tíma fjarlægð,“ segir Jens.

Það taki þyrlur Landhelgisgæslunnar allt of langan tíma að fljúga austur ef um bráðatilvik sé að ræða. Því sé mikilvægt að hafa eina þyrlu nær, t.d. á Akureyri líkt og menn hafi rætt um. „Það myndi nýtast okkur mjög vel,“ segir Jens.///////////////////Það er ekki gengið niður veðrið ennþá fyrir vestan norðan og verst fyrir Austan á fjörðum þar snjóflóðahætta víða snjóar á harðfenni,þetta er alvarlegt og verður að vona hið besta!!!þessi vetur ætlar að standa undir nafni og vel það,við bara biðum fyrir þessu öllu að ekki illa fari/Halli gamli

„Búum við erfið vetrarskilyrði“