Varað við skemmdum á klæðningu/þetta er ekki gott,og bara hættulegt!!!

 Varað við skemmdum á klæðningu Innlent | mbl.is | 25.2.2013 | 11:38 Vegagerðin varar við miklum skemmdum á klæðningu á Vestfjarðavegi 60 frá Dalsmynni í Borgarfirði til Patreksfjarðar og Bíldudals, á Djúpvegi 61 um Hólmavík til Ísafjarðar, en einnig á Norðurlandi á veginum um Þverárfjall.

Vegagerðin hefur ákveðið að færa þungatakmarkanir á Vestfjarðavegi 60 og Djúpvegi 61 upp í 10 tonn. Það þýðir að flutningabílar geta farið af stað um vegina, en þó ekki fulllestaðir.

Vegfarendur eru varaðir við grjóthruni á Siglufjarðarvegi frá Ketilási til Siglufjarðar eins er varað við ósléttum vegi af völdum sigs í Almenningum.

Vegir eru auðir um allt sunnanvert landið og eins á Vesturlandi. Þoka er á Hellisheiði, Sandskeiði, í Þrengslum og á Vatnaleið.

Á Vestfjörðum er víðast autt en þó eru hálkublettir á Ströndum, norðan Bjarnarfjarðar og þoka er á flestum fjallvegum.

Vegir á Norður- og Austurlandi eru að mestu greiðfærir en hálka eða hálkublettir eru þó sumstaðar á útvegum. Flughált er á Dettifossvegi.

Þungatakmarkanir eru í flestum landshlutum en nánari upplýsingar má fá í síma 1777 eða á vef Vegagerðarinnar.///////////////þetta ber að varast mjög, að hleypa á þetta þungaumferð!!!það gæti eyðilagt vegina fyrir sumarið,þetta er svo að allir vegir detta niður og það ekki gott,bara mjög slæmt og jafnar sig illa,þetta er eitt af því sem talað er um að geta notað sjóinn og skip þegar svona árar!!!og jafnvel alltaf,eins og talað hefur verið,oft og sagt að kæmi,en ekkert gerist!!!vegirnir þola ekki þessa þyngt,þeir eldri eru ekki byggðir fyrir hana,og þetta kostar ofurfé///Halli gamli

Varað við skemmdum á klæðningu