Málið ekki rætt þó ráðherra væri/Það hefði verið betra að,að vantrausti hefði farið fram,þetta er tilganslaust frahald!!!

Málið ekki rætt þó ráðherra væri Innlent | mbl | 25.2.2013 | 17:16 Nokkur umræða fór fram í þingsal í dag varðandi tillögu til þingsályktunar um forvirkar rannsóknarheimildir lögreglu sem Siv Friðleifsdóttir er fyrsti flutningsmaður að.

Þingmennirnir Siv Friðleifsdóttir, Unnur Brá Konráðsdóttir, Ragnheiður Elín Árnadóttir og Þorgerður Katrín Gunnarsdóttir tóku öll þátt í umræðunum þar sem því var mótmælt að málið yrði tekið af dagskrá í dag.

Um er að ræða framhald síðari umræðu um málið sem var frestað 20. febrúar síðastliðinn. Á þau mótmæli var þó ekki hlustað í dag og málið var tekið af dagskrá.

Mál ráðherra situr fast í nefnd Ögmundur Jónasson, innanríkisráðherra, blandaði sér í umræðurnar, en mál frá ráðherra um svipað efni situr fast í allsherjar- og menntamálanefnd þingsins og undraðist ráðherra meðferð málsins í nefndinni.

Ögmundur Jónasson, innanríkisráðherra mbl.is/Árni Sæberg Álfheiður Ingadóttir, formaður þingflokks Vinstri grænna, upplýsti um það í umræðunni að hún hefði farið fram á að málið yrði tekið af dagskránni.

Enginn þingmaður VG er meðal flutningsmanna, en tveir nefndarmenn hafa fyrirvara á stuðningi sínum við málið.

Sambærilegt og í öðrum norrænum ríkjum Tillagan er svohljóðandi: „Alþingi ályktar að fela innanríkisráðherra að vinna og leggja fyrir Alþingi frumvarp sem veiti lögreglunni sambærilegar heimildir og lögregla í öðrum norrænum ríkjum hefur til að rannsaka og grípa til fyrirbyggjandi aðgerða gegn skipulagðri glæpastarfsemi (forvirkar rannsóknarheimildir).

“ Flutningsmenn eru; Siv Friðleifsdóttir, Róbert Marshall, Birgir Ármannsson, Birkir Jón Jónsson, Jónína Rós Guðmundsdóttir, Gunnar Bragi Sveinsson, Kristján L. Möller og Sigurður Ingi Jóhannsson.

Sakar Álfheiði um að stjórna þinginu Þegar Álfheiður fór fram á frestun þann 20. febrúar sagði hún við umræðurnar: „Það er mjög óvanalegt að mál komist á dagskrá með þeim fyrirvara sem hér er. Það mátti enginn búast við því í sjálfu sér, þar á meðal ekki hæstv.

innanríkisráðherra sem er í útlöndum. Hann blandaði sér verulega í umræðuna við fyrri umr. og vill gjarnan taka þátt í síðari umræðu um málið

.“ Ráðherra var í salnum í dag Siv sakaði Álfheiði Ingadóttur um að stjórna Alþingi Íslendinga með því að vilja ekki hleypa málinu aftur á dagskrá.

Þegar umræðunni var frestað var það gert vegna þess að ráðherra var ekki í salnum né þeir tveir þingmenn sem höfðu fyrirvara um stuðning við það.

Ráðherra var hinsvegar í þingsalnum í dag og tók, sem fyrr segir, þátt í því að ræða undir liðnum „fundarstjórn forseta“ um fyrrgreint mál áður en það var tekið af dagskránni. Siv Friðleifsdóttir, þingmaður Framsóknarflokksins. mbl.is/Ómar/////////////////þetta er dæmigerð lýsing á þessum Alþingismannavanamálum,sem í dag hrjá þetta Alþingi ,og hefði betur verið komið frá og þjóðarstjórn stjórini að kosningum,þetta er allt í upplaust og engin árangur af neinu,sama í hvað málum er,það gengur ekkert saman,bara sundur,var að horfa á þetta dæmi í dag,sé engan tilgang að halda þessu áfram//Halli gamli

Málið ekki rætt þó að ráðherra væri í þingsal