Jóhanna fékk hrós úr óvæntri átt/Þetta er einnig til ef fólk vill,:ekki er svo mað öllu illt svo ey boði gott,segir máltæki!!

Jóhanna fékk hrós úr óvæntri átt Innlent | mbl | 8.3.2013 | 11:48 Jóhanna Sigurðardóttir forsætisráðherra ætlar ganga á eftir því í dag hvers vegna Seðlabanki Íslands sé ekki enn búinn að veita ríkisstjórninni upplýsingar um laun slitastjórna.

Hún segir ekki við það unað að SÍ hunsi vilja ríkisstjórnarinnar. Jóhanna uppskar hrós fyrir skýrt svar úr óvæntri átt. Þetta kom fram við óundirbúnar fyrirspurnir á Alþingi í dag.

Guðlaugur Þór Þórðarson, þingmaður Sjálfstæðisflokksins, spurði Jóhönnu af hverju ekki hafi verið kallað eftir upplýsingum um laun 16 slitastjórna.

Hann vísaði til þess að þingmenn VG hafi spurt út í þessi mál en velti fyrir sér hvort þingmenn Samfylkingarinnar væru mótfallnir því að þessar upplýsingar verði gerðar opinberar.

Jóhanna segir að það sé ekki stefna Samfylkingarinnar að ekki verði upplýst um þessi launamál slitastjórnanna sem hafi ofboðið samfélaginu.

„Ég vil gjarnan gera allt sem í mínu valdi stendur til að upplýsa um þessi laun og það er rétt sem háttvirtur þingmaður [Guðlaugur Þór] segir að við gætum í gegnum Seðlabankann fengið upplýsingar um laun slitastjórna í Landsbankanum.

Og ég veit ekki betur en á sínum tíma, þegar umræða var uppi um þetta og rætt í ríkisstjórninni, að þá óskaði ég eftir því að það yrði reynt eins og hægt væri að fá þessar upplýsingar og Seðlabankanum yrði skrifað þar að lútandi,“ sagði Jóhanna.

Hún segist gera ráð fyrir því að SÍ hafi orðið við ósk ráðherra. „Ég skal af þessu gefna tilefni ganga á eftir því. Ég er alveg viss um það að fjármálaráðherra, Katrín Júlíusdóttir, muni með glöðu geði ítreka það og ganga á eftir við Seðlabanka hvort það hafi verið hunsuð þessi ósk ríkisstjórnarinnar,“ sagði Jóhanna og bætti við að hún myndi gera það strax í dag.

„Það er auðvitað ekki hægt að búa við það ef að Seðlabankinn hunsar vilja ríkisstjórnarinnar í þessu máli,“ sagði Jóhanna. Geymir hólið frá Guðlaugi Þór í minningunni Guðlaugur Þór fagnaði svörum og jákvæðum viðbrögðum Jóhönnum og sagði:

„Ég vil hrósa hæstvirtum forsætisráðherra fyrir það og þakka fyrir skýrt og gott svar,“ sagði Guðlaugur.

Jóhanna sagði í framhaldinu að hún og Guðlaugur Þór hafi á undanförnum fjórum árum iðulega skipst á skoðunum í þinginu. „Ég held að í næstum 100 prósent tilvika að við höfum ekki verið sammála.

Þess vegna fagna ég því mjög núna, þegar þetta er sennilega minn síðasti eða næstsíðasti fyrirspurnatími, að ég fái hól frá engum öðrum en háttvirtum þingmanni Guðlaugi Þór. Og ég þakka bara fyrir það og mun geyma það í minningunni.“////////////Það er gott að heyra þetta loksins að fólk getur talað saman án haturs og vonum við að þetta boði gott,en það er svo að það virðist bara léttir hjá Jóhönnu að vera að hætta þessu það gott hún tekur þann púlsin á þessu svona og gerir bara grín og ,ég held að hún sé bara fegin að taka frí blessunin(Halli gamli

Jóhanna fékk hrós úr óvæntri átt