48,2% ná vart endum saman/ættlar vinstrið að redda þessu sem það olli!!!

48,2% ná vart endum saman Innlent | mbl.is | 5.4.2013 | 9:02 Lífskjararannsókn Hagstofu Íslands 2012 sýnir að 10,1% heimila höfðu lent í vanskilum með húsnæðislán eða leigu undanfarna 12 mánuði og 10,4% heimila lentu í vanskilum með önnur lán á sama tímabili.

Rúm 27% heimila töldu húsnæðiskostnað þunga byrði. og tæp 14% heimila töldu greiðslubyrði annarra lána en húsnæðislána þunga.

Árið 2012 áttu 48,2% heimila erfitt með að ná endum saman og tæp 36% heimila gátu ekki mætt óvæntum útgjöldum að upphæð 157 þúsund með þeim leiðum sem þau venjulega nýta til að standa undir útgjöldum.

Þegar heildarmyndin er skoðuð fækkaði heimilum í fjárhagsvanda milli ára í fyrsta sinn frá árinu 2008. Konur sem búa einar lenda síðar í vanskilum Einstæðir foreldrar eru líklegri en aðrir hópar til að vera í fjárhagsvanda og konur sem búa einar lenda síður í vanskilum með lán en karlar sem búa einir.

Heimili þar sem meðalaldur fullorðinna einstaklinga var 30–39 ár voru í mestum erfiðleikum.

Því hærri sem meðalaldur fullorðinna einstaklinga er á heimilinu því minni líkur eru á því að heimilið eigi í fjárhagserfiðleikum.

Hagstofa Íslands hefur gefið út Hagtíðindi þar sem nánar er greint frá niðurstöðum um fjárhagsstöðu heimilanna 2004 til 2012.

Niðurstöðurnar eru fengnar úr lífskjararannsókn Hagstofunnar en hún er liður í samræmdri lífskjararannsókn Evrópusambandsins (EU-SILC).

Úrtak lífskjararannsóknarinnar 2012 var 4.347 heimili.

Eftir að þeir sem eru látnir og búsettir erlendis hafa verið dregnir frá var nettó úrtakið 4.018 heimili.

Svör fengust frá 3.091 heimilum sem er 77% svarhlutfall. Lífskjararannsóknin var framkvæmd í mars til maí árið 2012.////////////////Er þetta ekki veruleikin sem fjalla á um í kosningunum núna eða hvað???ef það er ekki hvað þá ,bara kjaftæði um hluti sem ekki eru á borði og við eigum að trúa,en þetta er málið í dag fólk á ekki fyrir daglegum þörfum í stórum stíl og ekkert gert ,nema að segja að þetta sé komið til að vera,eð það sýnist manni á síðustu könnunum//Halli gamli

48,2% ná vart endum saman

Athugasemdir

[Ásthildur Cesil Þórðardóttir, 5.4.2013 kl. 11:27]

Mér heyrist á núverandi ríkisstjórn að þau hafi staðið sig svo vel að nú sé allt hægt bjarga heimilunum, lækka skatta og ég veit ekki hvað og hvað.... Svo segjast þeir ekki lofa upp í ermarnar á sér.

[Anna Sigríður Guðmundsdóttir, 5.4.2013 kl. 23:33]

Áshildur. Mér finnst sanngjarnt að minna á loforð allra ríkisstjórna upp í gegnum fortíðar-ermarnar, svo langt aftur sem minnið nær!

Það er nú ekki eins og allt hafi verið rekið á réttlætisnótunum fyrir hrun/rán!

Það er varasamt að gleyma staðreyndum fortíðar, þótt það sé nauðsynlegt að fyrirgefa á einhvern hátt, þeim sem ekki vissu eða gátu betur í den!

Brennt barn á að forðast eldinn, og vera á varðbergi.

M.b.kv.