Fólkið í ríkisstjórn Íslands//þetta er frábært fólk,og starfar af heillindum saman!!

Fólkið í ríkisstjórn Íslands Innlent | mbl.is | 23.5.2013 | 10:10 Greint var frá því í gærkvöldi hverjir sitja í nýrri ríkisstjórn Framsóknarflokks og Sjálfstæðisflokks.

Ekkert þeirra hefur setið áður í ríkisstjórn Íslands en Kristján Þór Júlíusson er elsti ráðherrann og Sigmundur Davíð Gunnlaugsson er sá yngsti.

Forsætisráðherra Sigmundur Davíð Gunnlaugsson, fæddur 12. mars 1975. BS-próf frá viðskipta- og hagfræðideild HÍ 2005 auk hlutanáms í fjölmiðlafræði.Nám við stjórnmálafræðideild Kaupmannahafnarháskóla í alþjóðasamskiptum og opinberri stjórnsýslu. Framhaldsnám í hagfræði og stjórnmálafræði við Oxford-háskóla.Formaður Framsóknarflokks. Þingmaður í Reykjavík norður 2009-2013 og í NA-kjördæmi 2013.

Sjávarútvegs-, landbúnaðar- og umhverfisráðherra Sigurður Ingi Jóhannsson, fæddur 20. apríl 1962. Embættispróf í dýralækningum frá Konunglega dýralækna- og landbúnaðarháskólanum í Kaupmannahöfn. Almennt dýralæknaleyfi í Danmörku 1989 og á Íslandi 1990. Varaformaður Framsóknarflokksins. Þingmaður í Suðurkjördæmi frá 2009.

Utanríkisráðherra Gunnar Bragi Sveinsson, fæddur 9. júní 1968. Stúdentspróf FNV á Sauðárkróki 1989. Nám í atvinnulífsfélagsfræði HÍ. Þingmaður í Norðvesturkjördæmi frá 2009. Formaður þingflokks framsóknarmanna frá 2009.

Félagsmálaráðherra Eygló Harðardóttir, fædd 12. desember 1972. Fil.kand.-próf í listasögu frá Stokkhólmsháskóla 2000. Framhaldsnám í viðskiptafræði HÍ síðan 2007. Varaþingmaður Framsóknarflokks í Suðurkjördæmi feb.-mars 2006. Þingmaður í Suðurkjördæmi 2008-2013. Þingmaður í Suðvesturkjördæmi 2013.

Fjármála- og efnahagsráðherra Bjarni Benediktsson, fæddur 26. janúar 1970. Lögfræðipróf HÍ 1995. Nám í þýsku og lögfræði í Þýskalandi 1995-1996. LL.M.-gráða frá University of Miami School of Law í Bandaríkjunum 1997. Hdl. 1998. Löggiltur verðbréfamiðlari 1998. Þingmaður í Suðvesturkjördæmi frá 2003. Formaður Sjálfstæðisflokks.

Heilbrigðisráðherra Kristján Þór Júlíusson, fæddur 15. júlí 1957. Skipstjórnarpróf frá Stýrimannaskólanum í Reykjavík 1978. Nám í íslensku og almennum bókmenntum HÍ 1981-1984. Kennsluréttindapróf HÍ 1984. Bæjarstjóri Akureyrar 1998-2006. Þingmaður Sjálfstæðisflokks í Norðausturkjördæmi frá 2007.

Innanríkisráðherra Hanna Birna Kristjánsdóttir, fædd 12. október 1966. BA-próf í stjórnmálafræði HÍ 1991. MSc-próf í alþjóðlegum og evrópskum stjórnmálum frá Edinburgh University 1993. Borgarstjóri í Reykjavík 2008-2010. Þingmaður Reykjavík suður 2013. Varaformaður Sjálfstæðisflokksins.

Mennta- og menningarmálaráðherra Illugi Gunnarsson, fæddur 26. ágúst 1967. BS-próf í hagfræði HÍ 1995. MBA-próf frá London Business School 2000. Þingmaður Reykjavík suður 2007-2009 og Reykjavík norður frá 2009. Formaður þingflokks sjálfstæðismanna 2009-2010 og frá 2012.

Iðnaðar- og viðskiptaráðherra Ragnheiður Elín Árnadóttir, fædd 30. september 1967. BA-próf í stjórnmálafræði frá HÍ 1991. MS-próf í alþjóðasamskiptum frá Georgetown University í Bandaríkjunum. Þingmaður Suðvesturkjördæmis 2007-2009 og í Suðurkjördæmi frá 2009. Formaður þingflokks sjálfstæðismanna 2010-2012.

Forseti Alþingis Einar K. Guðfinnsson, fæddur 2. desember 1955. BA-próf í stjórnmálafræði frá háskólanum í Essex, Englandi 1981. Þingmaður Sjálfstæðisflokks Í Vestfjarðakjördæmi frá 1991, í Norðvesturkjördæmi frá 2003. Sjávarútvegsráðherra 2005-2007, jafnframt landbúnaðarráðherra 2007. Sjávarútvegs- og landbúnaðarráðherra 2008-2009./////////////Þetta er mjög frambærilegt fólk allt saman og við væntum þess að starfi saman að heillindum allt og styðji hvert annað,það er málið,samvina er það sem þarf, en ekki úlfúð og leiðindi,og þetta ráherraræði á að takmarka meira Ríkisstjórnarfundir undir Formensku Forsætisráherra er nauðsynlegt nógu oft sem hægt er og ræða saman um hlutina,þetta fólk allt bætir hvað annað upp til að byrja með,reynsla er góð og gyld en samvinna einnig best,sundrung verst,það lærðum við mikið af síðustu stjórn!!En við verðum að gefa þeim tíma til að skoða stöðuna betur ekki bara fara eftir því sem fyrrverandi eru að hæla sér af að allt standi svo vel,sem er als ekki,nema síður sé,sú fráfarandi talar um að þetta fólk sem tekur við hafi lofað uppí ermina á sér,en það hafði ekki undan sjálft síðustu daga Alþingi að eyða og eyða í hluti sem þessi stjórn verður að gera,nema breyta því!!!en nýja Ríkisstjórnin ættar að standa við þetta sem hún lofaði og við tölum ekki um svik fyrr en það er séð!!gefum henni tíma til þessa!!!ég allavega trúi því//Halli gamli

Fólkið í ríkisstjórn Íslands