Yfirburðir Liverpool algjörir:mínir menn Arsenal yfirspilaðir,óskum Liverpool til hamingju samt!!!

Yfirburðir Liverpool algjörir Íþróttir | mbl.is | 8.2.2014 | 14:35 Raheem Sterling skoraði þriðja mark Liverpool. Liverpool tók Arsenal í kennslustund í knattspyrnufræðum þegar þeir unnu toppliðið 5:1 í hreint frábærum knattspyrnuleik.Leikmenn Arsenal skörtuðu gulum og bláum búningum í leiknum og þeir voru eins og gamalt IKEA-húsgagn frá Svíþjóð í leiknum.

 

Skrúfaðir í sundur trekk í trekk. Fyrsta markið kom eftir rúma mínútu þegar Martin Skrtel skoraði með skalla. Hann var aftur á ferðinni eftir tíu mínútur og Arsene Wenger og hans menn vissu ekki sitt rjúkandi ráð. Hefði þetta verið handboltaleikur hefði Wenger tekið leikhlé - slíkir voru yfirburðir Liverpoolmanna. Þriðja markið kom eftir 15 mínútur þegar Raheem Sterling skoraði en þá höfðu bæði Daniel Sturridge og Luis Suarez átt góð færi. Suarez átti stórkostlegt skot sem nánast braut stöngina.

 

En Sturridge skoraði fjórða markið eftir frábæra sendingu frá Coutinho og þannig var staðan í hálfleik. Arsene Wenger gerði enga breytingu á sínu liði í hálfleik og vildi væntanlega leyfa leikmönnum sínum hefna fyrir fyrri hálfleikinn. En Liverpool slakaði ekkert á.

 

Fimmta markið leit dagsins ljós á 51. mínútu þegar Sterling skoraði sitt annað mark. Áfram hélt sýningin og Sterling fékk fínt færi skömmu síðar og Jordan Henderson fór illa með gott færi.

 

Gestirnir minnkuðu muninn 20 mínútum fyrir leikslok með marki Mikel Arteta úr vítaspyrnu. Eftir það mark róaðist loks leikurinn.

 

Kraftur Liverpoolmanna var ótrúlegur og liðið sýndi sparihliðarnar í dag. Þeir voru ekki að etja kappi við neitt smálið, Arsenal er enn á toppnum þegar þetta er skrifað.

 

Lundúnaliðið var arfaslakt í leiknum og í raun sjálfu sér verst. Liverpool - Arsenal 5:1 Skrtel (1.) (10.) Sterling (17.) (51.) Sturridge (20.) - Arteta (68.) 90. Búið. Sem betur fer segja Arsenalmenn væntanlega./////////////////Við Arsenal stuðningsmenn,lutum í Gras og það illa,en ekki skal gefast upp heldur safna liði,var sagt í Íslendingasögum!!!En þetta lið Liverpool getur þetta, og er fránbært,blandar sér í  baráttuna með þessum sigri,fyrir hálfleikur eins og köttur að mús,mínir menn áttu ekkert svar,/Halli gamli

Yfirburðir Liverpool algjörir