250 manns biðu í Varmahlíð:þetta er fimbulvetur þarna ekki spurning!!!

 

250 manns biðu í Varmahlíð Innlent | mbl.is | 22.3.2014 | 14:47 Öxnadalsheiði Vegurinn um Öxnadalsheiði og Víkurskarð hefur verið opnaður. Vegfarendur eru þó beðnir um að sýna sérstaka aðgát þar sem vegurinn er einbreiður.

 

Öxnadalsheiðin var búin að vera lokuð síðan á miðvikudagskvöldið og búast má því við mikilli umferð um heiðina.Fjölmargir hafa setið fastir vegna lokunarinnar og að sögn starfsmanns N1 í Varmahlíð voru um 250 manns þar inni að bíða þegar mest var. Þeir sem lengst hafa biðu voru þar í um tvær til þrjár klukkustundir.

 

Hann sagði flesta hafa verið vera pollrólega þó unglingar og yngri ferðalangar hafi margir verið orðnir nokkuð óþreyjufullir.

 

Færð og aðstæður Þokkaleg færð er á Norðurlandi vestra nema hvað enn er ófært á Siglufjarðarvegi og Þæfingsfærð er frá Hofsósi út í Fljót. Ólafsfjarðarmúli er nú opinn en verið er að moka snjóflóðið á Grenivíkurvegi.

 

Þá opnast Víkurskarð alveg á næstunni. Þæfingsfærð er með ströndinni frá Húsavík til Vopnafjarðar. Ekki verður opnað yfir Mývatns- og Möðrudalsöræfi í dag.

 

Veður hefur skánað mikið á vestanverðu landinu en áfram er norðan hvassviðri, snjókoma og skafrenningur um landið norðaustanvert og á Austurlandi fram eftir degi.

 

Það eru hálkublettir á Hellisheiði en hálka í Þrengslum, á Mosfellsheiði og Lyngdalsheiði en hálka eða hálkublettir eru á örfáum öðrum vegum á Suðurlandi.

 

Hálka eða hálkublettir eru á köflum á Vesturlandi. Á Vestfjörðum er nú orðið opið um Djúp og suður um Strandir. Ófært er hins vegar yfir Þröskulda og eins á Klettshálsi og vestur að Brjánslæk.

 

Slæmt veður er á Austurlandi og víða snjóþekja, þæfingur eða jafnvel þungfært auk þess sem ófært er við Heiðarenda, á Fjarðarheiði og Vatnsskarði eystra.

 

Greiðfært er frá Djúpavogi suður um. Í tilkynningu frá Vegagerðinni segir að áætlað sé að moka alla daga ef veður leyfir en stytta þjónustutíma og miða hann við að opið sé milli klukkan 13 og 17.

 

Vinna í Múlagöngum Vegna vinnu við endurnýjun á rafkerfum í Múlagöngum má búast við umferðartöfum þar yfir nóttina, frá kl. 21:00 til kl. 06:00 að morgni.

 

Vegfarendur eru beðnir að gæta varúðar og virða hraðatakmarkanir meðan á framkvæmdum stendur/////////////////////Þetta er að verða Fimbulvetur og ætlar að halda þessu áfrm eitthvað,en svona ófærð og snjóalög hafa ekki verið í fjölda ára,fyrir Vestan Norðan og Austan,þetta er okkur kostnaðarsamt og peningar að verða búnir!!en þetta er svona með vetur Konung hann lætur ekki að sér hæða,farið bara varlega öll/Halli gamli

.

250 manns biðu í Varmahlíð