Hundruð þúsunda fyrir íbúð í Eyjum Innlent//það er bara svona dýrt!!!!

Hundruð þúsunda fyrir íbúð í Eyjum Innlent | mbl | 29.7.2014 | 13:01 Þjóðhátíð í Eyjum er um næstu helgi.

 

Leiguverð íbúða í Vestmanneyjum hækkar gríðarlega yfir Þjóðhátíð en eftirspurnin helst áfram mikil.

 

Enn er dauf von um að fá íbúð í Eyjum, en greiða þarf fjúlgur fjár fyrir.

 

Mik­il eft­ir­spurn er eft­ir gist­ingu í Eyj­um um næstu helgi og stór hluti þeirra íbúða sem er til leigu var bókaður fyr­ir mánuðum síðan.

 

Enn er þó von um að fá íbúð á leigu, þó sú von sé dauf, en greiða þarf fúlg­ur fjár fyr­ir. Rign­ing­ar­spá er í Vest­manna­eyjum um versl­un­ar­manna­helg­ina og því ef­laust marg­ir sem gætu hugsað sér að hafa þak yfir höfuðið.

 

Hinn 22 ára gamli Gauti Þorm­ar er einn þeirra hátíðargesta sem leitaðist eft­ir því að leigja íbúð í Vest­mann­eyj­um, en hann hef­ur áður gist á tjald­stæðinu yfir Þjóðhátíð. Gauti Þormar Gauti Þorm­ar Hann og vin­ir hans hafa ólm­ir leitað að íbúð í Eyj­um.

 

All­ur gang­ur er á því hvort leigu­verð skuli greiðast sem föst heild­ar­summa eða hvort rukkað er miðað við fjölda sem gist­ir í búðinni.

 

„Við fund­um íbúð á net­inu þar sem leigutak­inn rukkaði bara á haus. Þá gát­um við fjór­ir leigt tvö her­bergi en í næsta her­bergi við okk­ur var par sem við þekkt­um ekki fyr­ir,“ seg­ir Gauti. Upp­sett leigu­verð fyr­ir hvert her­bergi var 35 þúsund krón­ur fyr­ir hvern leigj­anda.

 

Sendu „at­vinnu­um­sókn“ með leigu­til­boði í íbúðina „Við heyrðum svo af ann­arri íbúð og at­huguðum hana. Verðið á henni var 250.000 krón­ur yfir helg­ina og það eru tíu manns sem kom­ast fyr­ir.

 

Við reynd­um að fá fleiri með okk­ur og buðumst til þess að vera sjö í íbúðinni og greiða 200.000 krón­ur fyr­ir, en það voru okk­ar þol­mörk,“ seg­ir Gauti.

 

Hart er sleg­ist um íbúðirn­ar og að sögn Gauta reyndu þeir fé­lag­arn­ir eins og þeir gátu að auka lík­ur á að til­boð þeirra yrði samþykkt. „Við telj­um okk­ur ör­ugga leigj­end­ur og við send­um leigu­sal­an­um ít­ar­legt bréf um hvern og einn okk­ar, ekki ósvipað at­vinnu­um­sókn til þess að auka lík­ur okk­ar. Það dugði ekki til,“ seg­ir Gauti, en fjór­ir vina­hóp­ar keppt­ust um að fá íbúðina leigða.

 

„Eft­ir­spurn­in er það mik­il að Eyja­menn kom­ast bara upp með að rukka eins og þeir vilja. Auðvitað myndi maður gera það í sömu spor­um,“ seg­ir Gauti.

 

En hvað er til bragðs að taka núna? „Það er bara tjaldið. Það er ekk­ert annað í stöðunni,“ seg­ir Gauti. Sjá einnig: Mik­il væta og vind­ur á Þjóðhátíð/////////það er bara svona eftirspurnin ræður  þessu,ekki spurning og hún er mikil!!!,við bara hugsum okkur að þetta sé svona að það kosti þetta .þá er dýrt Drottins orðið og brennan og dansin og allt það//Halli gamli

Hundruð þúsunda fyrir íbúð í Eyjum