Blaðamaður D.V. tjáir sig: Hvetur ráðherra til að líta sér nær við ásakanir um pólitíska leiki

NANNA ELÍSA JAKOBSDÓTTIR SKRIFAR: Jóhann Páll Jóhannsson, sá blaðamaður DV sem hefur fjallað hvað mest um lekamálið svokallaða, hefur sent frá sér tilkynningu á Facebook vegna þeirra frétta að innanríkisráðherra hafi krafist þess að blaðamenn sem fjölluðu um lekamálið yrðu reknir.

 

Hanna Birna Kristjánsdóttir, innanríkisráðherra, ræddi fréttaflutning DV í Sprengisandi í morgun.

 

Hún telur hann hafa verið einhliða og blaðamenn miðilsins hafi gengið fram með fyrirfram ákveðnar skoðanir í málinu.

 

Jóhann Páll segir Reyni Traustason, ristjóra DV, hafa komið að máli við sig seint á síðasta ári vegna símtals sem Reynir hafði fengið frá Hönnu Birnu.

 

Hafði innanríkisráðherra að sögn Reynis úthúðað Jóhanni og Jóni Bjarka Magnússyni, öðrum blaðamanni DV sem einnig hafði fjallað mikið um málið, og „gefið í skyn að við ættum við vandamál að stríða,“ segir Jóhann í færslunni.

 

„Það væri best fyrir alla að við hættum að starfa á blaðinu.

 

“ Segist hann jafnframt hafa virt það við Hönnu Birnu að samtalið hafi verið í trúnaði milli hennar og ritstjórans. Þar til innanríkisráðherrann og aðstoðarmaður hennar, Þórey Vilhjálmsdóttir, hafi kosið að segja frá samtölum sínum við Reyni.

 

„Það sem okkur fannst einna ósmekklegast var að Hanna Birna reyndi að höfða til Reynis á þeim forsendum að ríkt hefði gagnkvæmur vinskapur á milli þeirra tveggja.

 

Þannig ætlaðist hún til þess að hann tæki þátt í einhverju plotti til að forða henni frá pólitískum óþægindum,“ útskýrir Jóhann.

 

Hann segir Reyni þó ekki hafa tekið það í mál og blaðamanninum þykir ekki boðlegt að valdamenn hegði sér svona gagnvart fjölmiðlum.

 

„Innanríkisráðherra ætti að líta sér nær áður en hún sakar aðra um pólitíska leiki,“ eru lokaorð færslunnar.

DV hefur alveg síðan fréttir voru fyrst fluttar af málinu staðið við fréttaflutning sinn. Hanna Birna kveðst

 

aftur á móti ekkert hafa gert rangt í málinu./////////////////Þetta er svo að ég sem sjálfstæðismaður,er ekki ennþá trúaður á annað en hún segi satt  blessunin  ,og samt verður maður að birta þetta sem þessir menn fullyrða,og segjast standa við,ótrúlegt kannski en allt verður að koma þarna fram,og ekkert undan draga,menn mega kalla þetta þráhyggju en samt er manni mjög hugað um sannleikan sé hann annar en Hanna Birna segir blátt áfram!!!!með von um að þetta skírist allt,//Halli gamli

Athugasemdir

[Ásthildur Cesil Þórðardóttir, 3.8.2014 kl. 22:19]

Haralur minn hafi ég ekki sagt það áður, þá segi ég það nú, þú ert gull af manni, og mættu fleiri vera eins og þú, segi og skrifa.

[Ásthildur Cesil Þórðardóttir, 3.8.2014 kl. 22:20]

Haraldur átti þetta að vera.

[Haraldur Haraldsson, 3.8.2014 kl. 23:39]

Þakka innlitið og góð orð til mín,við viljum bæði sannleikan og ekkert annað,kær kveðja

[Ásthildur Cesil Þórðardóttir, 4.8.2014 kl. 01:22]

Svo sannarlega Haraldur minn, það er algjörlega málið.

[Guðni Karl Harðarson, 4.8.2014 kl. 15:01]

En ef þú værir í einhverjum öðrum flokki Haraldur minn?

[Haraldur Haraldsson, 4.8.2014 kl. 15:04]

Er nokkuð vera vinur minn Guðni en að vara krítiskur á eigin flott!!!!Kveðja

[Guðni Karl Harðarson, 4.8.2014 kl. 18:18]

Ekki er ég að krítisera neitt Haraldur minn. Heldur skaut ég þessari athugasemd inn að gamni mínu.

Ég er viss um að þú viljir að sannleikurinn komi fram, sama í hvaða flokki þú værir!

Það er svo erfitt fyrir okkur "leikmennina" að vita hvað er í gangi, þar sem svo margt er skrifað fram og til baka um þetta mál.

Ég satt best að segja á erfitt með að trúa að allur sannleikurinn komi fram í þessu máli öllu. Þetta er eins og einhver farsi og orð látin falla fram og til baka. Orð sem krafist er að verði svarað /í báðar áttir \

Það er því miður ýmislegt sem við skiljum ekki.

En vonum hið besta vinur.