Reynir: Ekkert varir að eilífu//Satt er það,en eitt er víst að lifum ekki að eilífu!!!

Reynir:Ekkert varir að eilífu Innlent | mbl | 16.8.2014 | 15:06 Reynir Traustason, ritstjóri DV. „Ég vil nú heldur fara út sem frjáls maður en að þurfa að lúta ofríki einhverra einstaklinga,“ segir Reynir Traustason, ritstjóri DV, í samtali við mbl.is.

Hann segist vera í „miðju stríðinu“ og vilja bölvanlega hætta undir núverandi kringumstæðum.

Ekkert vari hins vegar að eilífu.

Á Face­book-síðu sinni í dag sagðist Reyn­ir vera að velta fyr­ir sér næstu framtíð. Fyr­ir tveim­ur árum hafi him­in­há­ar skatta­skuld­ir og innri breysk­leiki verið að sliga fé­lagið.

En starfs­fólk­inu hafi tek­ist und­ir for­ystu Ólafs M. Magnús­son­ar stjórn­ar­for­manns að sigr­ast á erfiðleik­un­um

 . „Þar lögðu marg­ir góðir menn hönd á plóg. mbl.is/​Sverr­ir Hag­ur DV hef­ur lík­lega aldrei verið betri en nú.

Rit­stjórn­in hef­ur farið á kost­um og svo sann­ar­lega virt­ist vera að rofa til. En að sama skapi hef­ur árás­um á fjöl­miðil­inn fjölgað.

Óvin­ur­inn er allt í einu und­ir rúm­inu. Það verður áhuga­vert að sjá hvað ger­ist á næstu vik­um.

Áhyggju­efnið er það hvernig fer fyr­ir frjáls­um og óháðum miðli und­ir til­raun­um til fjand­sam­legr­ar yf­ir­töku.

Sjálf­ur er ég poll­ró­leg­ur og trúi því að rétt­lætið muni sigra. Ef ekki þá verður maður að taka rang­læt­inu,“ sagði hann jafn­framt á Face­book-síðu sinni.

Átök um eign­ar­haldið Frétta­stofa Rúv greindi frá því fyrr í vik­unni að mik­il átök væru nú um eign­ar­haldið á DV. Stjórn­ar­formaður­inn, Þor­steinn Guðna­son, keypti hlut í fé­lag­inu og greiddi að hluta fyr­ir það með hlut í vefsíðunni eirik­ur­jons­son.is. Lilja Skaftadóttir.

Lilja Skafta­dótt­ir. mbl.is/​Krist­inn Aðrir stjórn­ar­menn í DV ehf.

voru afar óánægðir við þessi viðskipti, bæði vegna efa­semda um að eirik­ur­jons­son.is væri eins mik­ils virði og Þor­steinn héldi fram og eins vegna þess að Þor­steinn hefði setið báðum meg­in borðsins þegar hann seldi eig­in fé­lagi hlut­inn í DV.

Þor­steinn var í kjöl­farið sett­ur af sem stjórn­ar­formaður DV ehf., þar sem hann naut ekki leng­ur trausts eða trúnaðar annarra stjórn­ar­manna.

Svo virðist sem þetta sé hluti af stærri átök­um um völd­in yfir DV, vegna þess að eft­ir að Þor­set­inn var sett­ur af sem stjórn­ar­formaður keypti fé­lag í hans eigu hlut Lilju Skafta­dótt­ur í DV, en hún var áður stærsti hlut­hafi blaðsins.

Lilja seg­ir að að baki ákvörðun­inni hafi verið per­sónu­leg­ur harm­leik­ur, sem sé blaðinu með öllu óviðkom­andi.

„Ég óska þeim sem keyptu minn hlut alls hins besta og vil trúa því að þeirra mark­mið sé að halda áfram að reka óháðan og gagn­rýn­inn fjöl­miðil og að með nýrri stjórn og yf­ir­stjórn­end­um verði haldið áfram á sömu braut.

Ég vil trúa því að sam­fé­lagið í heild eigi eft­ir að njóta góðs af og styðja blaðið áfram,“ seg­ir Lilja enn frem­ur. Fé­lög í eigu Þor­steins og hon­um tengd eiga því stór­an hlut í blaðinu núna, eða um 30%, rétt eins og Reyn­ir.

„Við erum bara í miðju stríðinu og ég mun fara sátt­ur ef ég þarf.

Ég mun líka vera sátt­ur ef að gott fólk held­ur áfram að halda utan um stjórn­artaum­ana,“ seg­ir Reyn­ir við mbl.is. Ótt­ast fjand­sam­lega yf­ir­töku Starfs­menn DV sendu frá sér yf­ir­lýs­ingu í gær þar sem þeir lýstu áhyggj­um sín­um af vær­ing­um um eign­ar­hald fé­lags­ins og því sem þeim virðist vera „til­raun til fjand­sam­legr­ar yf­ir­töku“

. Ekki liggi ljóst fyr­ir hverj­ir fjár­magni í raun kaup­in og ótt­ast starfs­menn­irn­ir því um rit­stjórn­ar­legt sjálf­stæði miðils­ins. Í yf­ir­lýs­ingu Þor­steins Guðna­son­ar sagði hins veg­ar að allt tal um fjand­sam­lega yf­ir­töku væri úr lausu lofti gripið.

„Ég gerðist stjórn­ar­formaður DV meðal ann­ars fyr­ir orð Reyn­is Trausta­son­ar, rit­stjóra blaðsins, og hef lagt til þess um­tals­verða fjár­muni sem hlut­hafi og lán­veit­andi.

Upp­haf þessa má rekja til þess að stjórn­end­ur blaðsins töldu stefna í gjaldþrot og leituðu ef­itr fjár­mögn­un og nýju hluta­fé til að koma í veg fyr­ir slíkt.

Við því var orðið og ahfa um­tals­verðir fjár­mun­ir verið sett­ir í rekst­ur DV und­an­farna mánuði og miss­eri,“ sagði Þor­steinn.

Hann tók jafn­framt und­ir með starfs­mönn­um DV um mik­il­vægi þess að standa áfram vörð um óháða og frjálsa fjöl­miðlun.

Ekki stæði neitt annað til en að efla blaðið á næst­unni. Frétt mbl.is: Ótt­ast fjand­sam­lega yf­ir­töku á DV

//////////////////////Þetta verður hasar!!, mikill og endar með að, Reynir Traustason hættir og hvað þá,spurning sem maður D.V. hefur verið umdeilt mjög en samt,keypt af því þar er hreift við mörgu,og það er blöð svoleiðis sem vantar og stundar rannsóknabaðamennsku,og fer ekki yfir strikið samt!!, en við viljum að þetta bíð haldi áfram krítískt mjög og það bara gott og þarft,en ekki mannsandi að ósönnu,og engin er sekur fyrr en sekt er sönnuð!!!//Halli gamli

Reynir: Ekkert varir að eilífu

Athugasemdir

[Pétur D. (IP-tala skráð) 16.8.2014 kl. 19:45]

Það er rétt, að við þurfum dagblað með alvöru, sannsöglum blaðamönnum sem stunda rannsóknarblaðamennsku.

Þess vegna má sorpsnepillinn DV með sína ómerkilegu ritstjórn og lygnu blaðasnápa fara til andskotans. Þeirra verður ekki saknað.

Það sem ný stjórn getur gert er að henda út Reyni Traustasyni og öllum hans ættingjum af launalistanum, breyta síðan ritstjórnarstefnunni, þannig að sannleikurinn verði leiðarljós í rannsóknarblaðamennskunni í staðinn fyrir upploginn rógburð. Í staðinn fyrir að skálda í eyðurnar, eiga blaðamennirnir að velta hverjum steini, bæði hjá hinu opinbera og í einkageiranum.

Þetta krefst auðvitað að alvöru blaðamenn verði ráðnir sem birta alvöru fréttir í stað þeirra núverandi sem hafa smitazt af lágum standard blaðsins. Helmingur af blaðinu í dag er rusl sem fengið er af internetinu sem hver sem er getur fundið hvort eð er. Alvöru rannsóknarblaðamennska gengur út á það að velta hverjum steini, afhjúpa spillingu í stjórnsýslunni, spyrja rétta aðila réttra (óþægilegra) spurninga, óháð flokkslit. Og umfram allt halda sig við staðreyndir. Svona nýtt dagblað má gjarnan vera vinstrisinnað, en ekki á neinn hátt tengt Samfylkingunni eða VG eða neinum stjórnmálaflokkum líkt og það er í dag, enda gengur það erinda stjórnarandstöðunnar og gerir skítverk hennar.

Alvöru vinstrisinnað blað heldur með láglaunafólki og lægri stéttum þjóðfélagsins, heldur með lítilmagnanum óháð flokkum eða þrýstihópum. Þetta nýja blað, hvað sem það kemur til með að heita, á að vera alveg óháð í stað þess eins og núna að stjórnast af öfgafeminískum sjónarmiðum. Jafnrétti - já, að sjálfsögðu. Dólgafemínisma, nei takk.

Réttast væri líka, eftir úthreinsunina, að breyta nafni blaðsins, þar eð nafnið DV hefur fengið óorð á sig meðan Reynir og hans fjölskylduhyski hafa verið allsráðandi.

[Haraldur Haraldsson, 16.8.2014 kl. 23:27]

Við erum að mörgu leiti sammála,en ekki endilega Vinstra blað!!!!!!Kveðja

[Pétur D. (IP-tala skráð) 17.8.2014 kl. 12:16]

Nei, það þarf ekki endilega að vera vinstriblað, en lægri stéttir landsins vantar sárlega málgagn og það er (kannski úrelt?) hefð að líta á verkalýðsbaráttu sem vinstriöfl. Alvöru vinstri, ekki eins og svokölluð vinstristjórn 2009-2013, sem var lítið annað en hækja auðvaldsins.

Nú er ég sjálfur dálítið hægrisinnaður og treysti mbl.is bezt bæði vegna alhliða fréttaflutnings og vegna þess að allir geta komizt til orða. En það er málgagn Sjálfstæðisflokksins. Á hinn bóginn eru Fréttablaðið/visir.is/365 miðlar málgögn Samfylkingarinnar og DV málgagn öfgafemínistanna og VG. Þess vegna vantar fréttamiðil, sem tekur upp hanzkann fyrir lítilmagnann, fyrir láglaunafólk.