17 bílastæði á lóð risahótels/Bílfjamdsama fólkið sem eru kommar á nóti bireiðum,þetta fólk er alverlega hættulegt!!!

17 bílastæði á lóð risahótels Viðskipti | Morgunblaðið |26.1.2015 | 5:30 Í breytingartillögunni á deiliskipulagi er lagt til að hætt... Í breytingartillögu sem meirihlutinn í borginni lagði fram er lagt til að hætt verði við smíði 1.000 fermetra bílakjallara við Laugaveg 120 þar sem verður 7.000 fermetra hótel.

17 bílastæði á lóð Minni­hlut­inn lagðist gegn breyt­ing­ar­til­lög­unni í bók­un á fundi í borg­ar­stjórn.

Júlí­us Víf­ill Ingvars­son, borg­ar­full­trúi Sjálf­stæðis­flokks­ins, seg­ir að bíla­stæðin muni ekki duga fyr­ir starfs­menn hót­els­ins.

„Þetta mun ekki duga fyr­ir það starfs­fólk sem kem­ur til með að vinna þarna. Það er nokkuð ljóst. Þetta þýðir að það verður ennþá meira álag á nærum­hverfið.

Það er þegar farið að kvarta veru­lega und­an því að það vanti bíla­stæði á svæðið og það mun bara aukast með þeirri upp­bygg­ingu sem stend­ur yfir þarna,“ seg­ir Júlí­us.

Seg­ir um­ferð í borg­inni aukast Þá bend­ir hann á að bílaum­ferð er að aukast.

„Það er ekki svo að við séum þeirr­ar skoðunar að það eigi enda­laust að fjölga bíl­stæðum, en þegar það er verið að setja upp starf­semi sem þessa sem kall­ar á viðamik­il um­svif og aðföng þá er eng­in fyr­ir­hyggja í því að það skuli ekki vera gert ráð fyr­ir því að þeir sem komi þangað og vinni þar geti ein­hvers staðar lagt sín­um bíl­um.

Þetta er hluti af þeirri stefnu sem hef­ur verið und­an­farið að fækka bíla­stæðum í þeirri trú að við það hætti fólk að mæta til vinnu á bíl­um.

Og við sjá­um að þetta er ekki að ganga eft­ir því sniðtaln­ing­ar sem birt­ar voru í síðustu viku sýna að um­ferð í Reykja­vík er að aukast en ekki minnka.

“ Þetta er ekki í fyrsta skipti þar sem deilt er um bíla­stæðafjölda á svæðinu, en í fyrra var samþykkt að hefja bygg­ingu náms­í­búða rétt hjá Hlemmi þar sem gert var ráð fyr­ir 0,2 bíla­stæðum á íbúð, eða eitt bíla­stæði á hverj­ar fimm íbúðir.

Mörg hót­el án bíla­stæða Hjálm­ar Sveins­son, formaður um­hverf­is- og skipu­lags­ráðs Reykja­vík­ur­borg­ar, seg­ir mörg hót­el ná­lægt Hlemmi ekki hafa eitt ein­asta bíla­stæði.

„Við telj­um ekki að það sé þörf á að hafa bíla­stæðakjall­ara þarna, auk þess er mjög erfitt að koma fyr­ir bíla­stæðakjall­ara út af mikl­um land­halla.

Þeir sem eru að reka hót­elið telja ekki nauðsyn­legt að hafa mikið af bíla­stæðum þarna og því töld­um við í meiri­hlut­an­um ekki ástæðu til að þvinga þá til þess að byggja bíla­kjall­ara.

Eft­ir því sem bíla­stæðum fjölg­ar þá hef­ur það til­hneig­ingu til að auka bílaum­ferð og þar sem þetta er bók­staf­lega á helstu strætó­skiptistöð borg­ar­inn­ar þá ætti að vera frek­ar þægi­legt að nota al­menn­ings­sam­göng­ur.

Svo kom fram í rök­stuðningi fyr­ir til­lög­unni að það eru nokkuð mörg hót­el ná­lægt Hlemmi þar sem það er ekki eitt ein­asta bíla­stæði,“ seg­ir Hjálm­ar.

„Ég veit ekki hversu marg­ir starfs­menn­irn­ir eru en þeir eru miklu færri en þeir sem unnu þarna áður og þá var eng­inn bíla­stæðakjall­ari þannig að þetta ætti nú að ganga.

Og ég tel líka að þessi rök að það verði að vera mjög mikið af bíla­stæðum á ein­hverri lóð vegna þess að ann­ars leita bíl­arn­ir í ná­grennið vera hæp­in, því þá geta ein­hverj­ir ná­grann­ar kannski í þar næstu götu stoppað mjög þarfar fram­kvæmd­ir.

Í fyrsta lagi á eng­inn bíla­stæðin í göt­un­um.

Göt­urn­ar eru borg­ar­land.

Ver­andi í borg er ekki hægt að ganga að því vísu að geta alltaf lagt fyr­ir utan heima hjá sér, alla­vega geri ég það ekki,“ seg­ir Hjálm­ar./////////////Ennþá er Hjálmar að koma með nýjar ley'ðir til að eyðileggja Borgina okkar,þessi maður  sem ég hefi kallað ljóta karlinn eins og við segjum við óþekku Börnin,Maðurinn er stór hættulegt í þessu starfi,burt með hann og þetta Bílfjansamkega fólk frá Borginni okkar,Einræði þessara komma er komið í eindaga og lofum okkur að byggja Borgina með reynslu//Halli gamli

17 bílastæði á lóð risahótels