MP banki eignast SPRON,er það ekki gott mál!!!!!!

MP banki eignast SPRON
Viðskipti | mbl | 30.3.2009 | 16:30
Skilanefnd SPRON samþykkti rétt í þessu tilboð MP banka í útibúanet og vörumerki SPRON og Netbankann, nb.is Margeir Pétursson, stjórnarformaður MP banka, segir að hægt verði að tryggja að minnsta kosti 45 störf með þessu.
Margeir ætlar að viðhalda vörumerki SPRON, en fyrirtækið nýtur mikillar velvildar almennings og hefur mælst hátt í Íslensku ánægjuvoginni, sem mælir afstöðu almennings til fyrirtækja, undanfarin ár. MP sækir nú inn á viðskiptabankamarkaðinn, en fyrirtækið fékk viðskiptabankaleyfi á síðasta ári.

Margeir Pétursson. mbl.is/Kristinn

Hlynur Jónsson, formaður skilanefndar SPRON, segir að niðurstaðan sé mjög jákvæð fyrir skilanefndina. Tekist hafi að bjarga verðmætum og tryggja hagsmuni þeirra starfsmanna sem halda vinnunni.

Kaupverð hefur ekki fengist upp gefið, en það verður útlistað nánar í fréttatilkynningu frá skilanefndinni síðar í kvöld.

Fyrir helgi höfðu sextán aðilar lýst yfir áhuga á að kaupa einstakar einingar sem tilheyrðu SPRON. Meðal þeirra var færeyski bankinn Føroya Bank og VBS fjárfestingarbanki, auk MP banka.

Allar innstæður hafa færst til Nýja Kaupþings og hefur átt sér stað fullkomin eignayfirfærsla innstæðna. Þeir sem voru í viðskiptum við gamla SPRON eru í reynd viðskiptavinir Kaupþings í dag.///////
Þetta er bara gott að áliti minu/vonandi að þetta verði til góðs og þetta faris em fyrst af stað/Halli gamli

MP banki eignast SPRON

Athugasemdir

[Finnur Bárðarson, 30.3.2009 kl. 16:55]

Nú ætla ég að hemja tortryggnina, já ég held að þetta sé gott mál. Ef hægt er að nota orðið gott svona yfirleitt