Hulda í sérverkefni/hvaða vitleysa er þarna i gangi??????

Hulda í sérverkefni
Innlent | mbl.is | 9.9.2009 | 16:05
Hulda Gunnlaugsdóttir forstjóri Landspítalans, sem hefur fengið ársleyfi sem forstjóri, hefur tekið að sér að tímabundna verkefnisstjórn við að hrinda í framkvæmd aðgerðaáætlun um samstarf og markvissari verkaskiptingu á milli heilbrigðisstofnana

Á vef heilbrigðisráðuneytisins kemur fram að Hulda tekið verkefnið að sér fyrir orð Ögmundar Jónassonar, heilbrigðisráðherra. Er markmiðið að setja fram tímasetta verkáætlun sem byggist á starfi sem fram hefur farið undanfarna mánuði um hagræðingu í heilbrigðiskerfinu.

„ Er þetta gert til að ná fram markvissari rekstri heilbrigðisstofnana á næstu árum með aukinni samvinnu og skýrari verkaskiptingu innan kerfisins. Reynt verður að draga eins lítið úr þjónustu við sjúklinga og kostur er þrátt fyrir þann mikla niðurskurð í heilbrigðiskerfinu sem nú blasir við. Sömuleiðis er ætlunin að reyna að koma í veg fyrir uppsagnir starfsmanna sem mest menn geta. Við skipulagsbreytingar og breytta verkaskiptingu í starfsemi heilbrigðisstofnana er lögð rík áhersla á víðtækt samráð við fulltrúa starfsmanna og samtök þeirra," að því er segir á vef ráðuneytisins.

Ögmundur Jónasson, heilbrigðisráðherra, segir á vefnum, það afar mikilvægt að fá Huldu Gunnlaugsdóttur sem liðsauka inn í þetta starf sem unnið hefur verið í náinni samvinnu stjórnenda heilbrigðisstofnana í landinu og almannasamtaka undanfarna mánuði. Hún hafi víðtæka reynslu af skipulagsbreytingum bæði hér á landi og frá Noregi.

“Okkur hefur miðað vel í þessari vinnu en verkefnið sem við stöndum frammi fyrir er risavaxið og við verðum að nýta allt okkar besta fólk, á öllum sviðum, til að komast í gegnum samdráttinn, án þess að öryggi sjúklinga sé stefnt í voða. Til að það megi takast verðum við öll að vinna saman,” segir Ögmundur á vef heilbrigðisráðuneytisins//Hvaða vitleysa er Þarna i gangi,er þetta bara pólitík??? eða hvað engin skilur þetta nema kannski Ögmundur og Hulda,ekki við sem borgum/Halli gamli

Hulda í sérverkefni

Athugasemdir

[Þórarinn Þ Gíslason (IP-tala skráð) 9.9.2009 kl. 17:13]

Sæll Halli Gamli.

Þetta er eðlilegt.

 Þau eru öll með STJÓRNUNAR-NJÁLG  ÓLÆKNANDI.

Kveðja.

[Jóhann Elíasson, 9.9.2009 kl. 17:28]

Ætli hugmyndir hennar hafi nokkuð passað Ögmundi?