Óviðunandi niðurstaða/samdóma álit stjornarandstöðu!!!!!

Óviðunandi niðurstaða
Innlent | mbl.is | 18.10.2009 | 16:29
Bæði Bjarni Benediktsson, formaður Sjálfstæðisflokks, og Sigmundur Davíð Gunnlaugsson, formaður Framsóknarflokks, segja að sú niðurstaða, sem ríkisstjórnin hefur í dag kynnt í Icesave-málinu, sé óviðunandi. Birgitta Jónsdóttir, þingmaður Hreyfingarinnar, sagði einnig að sér litist illa á málið.

Bjarni sagði, eftir fund með oddvitum ríkisstjórnarinnar í Stjórnarráðinu síðdegis, að viðunandi niðurstaða í samningum fæli það í sér að báðir aðilar hefðu gefið eitthvað eftir.

„Það hafa Bretar og Hollendingar ekki gert, þeir fá allt sitt með vöxtum," sagði Bjarni.

Hann vildi ekki segja til um hvort hann teldi að þingið myndi samþykkja nýtt frumvarp um ríkisábyrgð. „Ég er mjög ósáttur við að við gefum frá okkur réttinn til að láta reyna á réttarstöðu okkar á sama tíma og við föllumst á allar kröfur Breta og Hollen

Sigmundur Davíð Gunnlaugsson, formaður Framsóknarflokksins, sagði að sér litist afleitlega á þessa niðurstöðu. „Það er búið að kollvarpa því sem Alþingi samþykkti. Það stefnir í að við gefum frá okkur allan lagalegan rétt okkar endanlega."

Hann sagðist ekki sjá fyrir sér, að nýtt frumvarp um ríkisábyrgð verði samþykkt á Alþingi miðað við allan aðdraganda málsins.// Birgitta Jónsdóttir, þingmaður Hreyfingarinnar, sagði eftir fundinn, að sér sýndist málið vera í þeim búningi að hún ætti afar erfitt með að kyngja því. Hún sagðist þó ætla að skoða málið betur með hagfræðingi sínum áður en hún tæki endanlega afstöðu til þess///það virðist vera að stjórnarandstaðan sé einhuga á móti þessu nýjasta mótspili Breta og Hollendinga og Jóhönnu og Steingríms,en svona er þetta, og við sjáum hvað þau geta komist langt a,ð láta okkur knékrúpa fyrir kúgurum okkar, vonandi tekst þeim það ekki!!!!/Halli gamli

 

Óviðunandi niðurstaða

Athugasemdir

[anna (IP-tala skráð) 18.10.2009 kl. 18:59]

Sko....Þegar Disneygarðurinn í París opnaði fyrir... Guð má vita hvað mörgum árum, bjó ég erlendis og átti smá sparifé. Ég lét glepjast útí að kaupa verðbréf í þessu nýja ævintýri og átti að verða fokrík á stuttum tíma. Raunin var sú að verðbréfin urðu verðlaus á stuttum tíma því Disney var ekki eins vel sótt og ætlað var, og ég fékk aldrei krónu úr þessum ósköpum. Mér datt samt aldrei í hug að fara frammá að franskir borgarar ættu að greiða mér tapið.........kannski mál að athuga það ! Með þessu er ég að benda á hvað Iceslave er óréttlátt og rotið!

[Hulda Haraldsdóttir, 18.10.2009 kl. 23:41]

Halli minn kæri, ég verð nú bara að segja eins og er, að ég er gráti næst og skelfilega hrædd líka. Þessum undirlægjuhætti stjórnvalda þarf að mæta af fullri hörku, við VERÐUM AÐ STOPPA þetta, við MEGUM EKKI GEFAST UPP og láta bjóða okkur þetta.  Oft hefur verið þörf á því að við stæðum saman, en nú er það NAUÐSYN.