Lögreglan þarf að velja og hafna/þetta er löngu vitað að verður að gera!!!!

Lögreglan þarf að velja og hafna
Innlent | Morgunblaðið | 22.10.2009 | 10:30
„Ég held að lögregla og ákæruvald verði að sníða sér stakk eftir vexti og velja úr mikilvægustu málin til að rannsaka og eftir atvikum ákæra í,“ segir Sigurður Tómas Magnússon hæstaréttarlögmaður og sérfræðingur hjá HR í hringborðsumræðum í Lögmannablaðinu, sem er nýkomið út.
Reynslan hér á Íslandi og erlendis sýnir einnig að afar erfitt getur reynst að reka sakamál í mörgum ákæruliðum gegn mörgum ákærðum samtímis. Þetta er ekki íslenskur lærdómur heldur alþjóðlegur. Almenningur þarf að sætta sig við það að ekki verði unnt að snúa við hverjum steini.

Forgangsröðun er hreinlega nauðsynleg. Væntanlega mun margur maður sleppa með meiri sakir heldur en til dæmis sá sem stelur kjötlæri úr Bónusverslun,“ segir Sigurður Tómas ennfremur. Lögmenn líkt og dómarar hafa af því áhyggjur að dómskerfið verði ekki í stakk búið til að taka við hrinu mála í kjölfar efnahagshrunsins og er Lögmannablaðið helgað þessu málefni.

Fram kemur hjá Sigurði Tómasi að fjöldi héraðsdómara hafi verið ákveðinn samkvæmt málatölum áranna 1983-1988. Síðan hefur þjóðinni fjölgað um fjórðung og málafjöldinn tvöfaldast. „Álagið á dómurum er mikið og þeir hljóta að eyða sífellt styttri tíma í hvert mál,“ segir Sigurður. Hann bætir því við að þegar styttri tíma sé eytt í hvert mál sé hætta á því að dómarar leiti frekar að fyrstu eða einföldustu leiðinni út úr málinu, sem er að vísa máli frá eða sýkna.

Sigríður Friðjónsdóttir aðstoðarríkissaksóknari veltir því fyrir sér hvort samfélagið geti tekist á við afleiðingar bankahrunsins. „Það er ekki nóg að segjast ætla að efla ákæruvaldið og dómsvaldið því það þarf að fá fólk með reynslu, sem er ekki endilega á hverju strái,“ segir Sigríður. Hún segir að málum hjá hennar embætti hafi fjölgað um 100% á fjórum árum en starfsmannafjöldinn sé hins vegar óbreyttur.//þetta er löngu tímabært að koma með i umræðuna/það ber að skoða þetta vel eins og talað er um i greininni,svo sem dæmi eitt kjötlæri!!! og svo framvegis,það á að spara og þessa vegna verður að vega og  meta þetta vel úr en gengið er til rannsóknar!!!Ein og til  dæmis þetta með mansalið þar sem útlendingar koma  við sögu,skilgirðist laust að vísa þeim ur landi eða bar ekki hleypa þeim til okkar nema rannsaka ferð þeirra/Halli gamli

Lögreglan þarf að velja og hafna