Um 5000 lögðu leið sína í Kost/vonum að þetta verði góður kostur !!!!

Um 5000 lögðu leið sína í Kost
Innlent | mbl.is | 15.11.2009 | 19:00
Annar dagurinn í sögu matvöruverslunarinnar Kostar hefur verið annasamur fyrir starfsfólk, að því er segir í tilkynningu. Löng röð myndaðist við verslunina rétt fyrir opnun í hádeginu í dag og fólk streymdi að fram eftir degi, þannig að örtröð myndaðist um tíma á bílastæðunum í kring.
Í gær tafðist fyrirhuguð opnun nokkuð vegna vandræða með tölvukerfi verslunarinnar. Þau vandræði hafa  nú að mestu verið leyst, en þó er enn nokkuð um vörur sem ekki finnast í tölvukerfinu og er því ekki unnt að selja.

Starfsfólk hefur unnið hörðum höndum að því að skrá allar vörur í tölvukerfið og fengu í dag góðan liðsauka úr hópi fjöskyldumeðlima og vina sem mættu til að létta undir með vinnuna.

Jón Gerald Sullenberger framkvæmdastjóri Kosts áætlar að fimm þúsund manns hafi lagt leið sína í í verslunina opnunarhelgina, laugardag og sunnudag. Fólk hafi verið að kynna sér vöruúrvalið og margir hafi notað tækifærið og gert helgarinnkaupin í versluninni. Jón Gerald vill þakka fyrir viðtökurnar, sem hafi komið sér í opna skjöldu. Einnig vill hann þakka viðskiptavinum þolinmæðina, en langar raðir mynduðust við afgreiðsluborðin vegna hins mikla mannfjölda sem var í versluninni.

Á morgun verður opið frá kl.11:00-18:30 sem verður fastur opnunartími Kostar virka daga,“ segir í tilkynningu.////við bara óskum Jóni Gerald Sullenberger framkvæmdastóra Kosts til hamingju með þennan áfanga,auðvitað taka allir sem þurfa á lágu vöruveði að halda þessu vel,þetta synir einnig að það er hægt að keppa við aðra um lægra vöruverð og þjónustu,ekki þessa neikvæni út i Bónus og Krónu og fleiri sem þarna eru/vonum bar að þetta gefi sig vel/Halli gamli

Um 5000 lögðu leið sína í Kost