Eldar og innbrotstilraun/það er i nógu að snúast hjá Lögreglu og slökkvilliði !!!!

Eldar og innbrotstilraun
Innlent | mbl.is | 23.11.2009 | 6:54
Lögregla og slökkvilið höfuðborgarsvæðisins sinntu útköllum vegna bruna og spellvirkja við tvo skóla í nótt. Tilkynnt var um eld í skotbómulyftara við Urðarhvarf í Kópavogi kl. 01:23 í nótt. Lyftarinn er mikið skemmdur ef ekki ónýtur að mati slökkviliðsins.

Fimm rúður voru brotnar í Hlíðaskóla við Hamrahlíð í nótt. Ekki virtist hafa verið gerð tilraun til innbrots heldur að um skemmdarverk hafi verið að ræða. 

Nokkrir unglingar gerðu tilraun til innbrots í Hólabrekkuskóla við Suðurhóla. Tilkynnt var um innbrotstilraunina kl. 01:12. Piltarnir náðust allir og reyndust vera undir sakhæfisaldri, nöfn þeirra voru tekin niður og foreldrar sóttu þá til lögreglunnar.

Þá barst útkall vegna sinuelds við Korpúlsstaðaveg, nálægt Barðastöðum, kl. 05:26 í morgun. Það þykir nokkuð óvenjulegt að tilkynnt sé um sinueld á þessum árstíma. Eldurinn reyndist ekki útbreiddur og voru slökkviliðsmenn snöggir að kæfa hann.

Fáir gistu fangageymslur lögreglunnar í nótt. Sumir þeirra fengu gistingu vegna heilsufars og blankheita.///já það' er i nógu að snúast hjá lögreglu og slökkvuliði í nótt og mikið að gera, engu eyrt og það er málið betra illt að gera en ekki neitt,þetta ekki gott mál nóg er nú fyrir að borga fyrir okkur Borgarbúa/Halli gamli  

Eldar og innbrotstilraun