Tekið úr nefnd í „miklum ágreiningi“/////Hvað er í gangi þarna,ofríki og ekket annað!!!!!

Tekið úr nefnd í „miklum ágreiningi“
Innlent | mbl.is | 8.6.2011 | 9:56
Litla frumvarpið svonefnt um breytingar á fiskveiðistjórnunarkerfinu var tekið út úr sjávarútvegs- og landbúnaðarnefnd Alþingis í morgun á fundi nefndarinnar og fer í framhaldinu til annarar umræðu í þinginu.

Að sögn Jóns Gunnarssonar, þingsmanns Sjálfstæðisflokksins sem sæti á í nefndinni, var lagt fram á fundinum í morgun nefndarálit meirihlutans í nefndinni án þess að nokkur eiginleg efnisleg umræða hafi farið fram innan hennar um málið. Til þessa hafi einungis verið tekið á móti umsagnaraðilum. Málið hafi verið tekið úr nefndinni í framhaldinu „í miklum ágreiningi.“

„Við komum til fundar í sjávarútvegsnefnd í morgun og áttum von á því að vera að hitta fleiri umsagnaraðila en þá lá bara fyrir okkur tilbúið meirihlutaálit,“ segir Jón. Hann segir að þetta þýði að þingstörf séu í algeru uppnámi og að engin sátt verði um önnur stór ágreiningsmál. „Framkvæmdavaldið er að sýna þinginu mikla vanvirðu með því að keyra svona mál í gegn sem svo mikill grundvallarágreiningur er um. Það er ekki einn einasti umsagnaraðili sem hefur mælt því bót.“

Jón gagnrýnir harðlega að enginn sáttatónn hafi verið hjá sjávarútvegsráðherra hvorki gagnvart hinum fjölmörgu umsagnaraðilum og alls ekki stjórnarandstöðunni. Ennfremur að ekkert svigrúm hafi verið veitt til efnislegrar umræðu um málið í sjávarútvegs- og lendbúnaðarnefnd. „Það hefur ekki einu sinni verið gefinn tími til þess að hitta alla þá sem eðlilegt væri að kalla fyrir nefndina til umsagnar. Þetta eru bara fordæmislaus vinnubrögð.“

Hann segist aðspurður gera ráð fyrir að við taki langar umræður í annarri umræðu um málið á Alþingi og ef forseti þingsins láti svona vinnubrögð líðast af hálfu framkvæmdavaldsins þá liggi ekkert fyrir annað en að boða verði til sumarþings enda ljóst að ríkisstjórnin sé með fleiri umdeild mál í gangi sem engin sáttatónn virðist um.

Óeining meðal stjórnarliða

Á fundi nefndarinnar um kvöldmatarleytið í gær voru ræddar hugmyndir nefndarmeirihlutans um það hvernig mætti lenda málinu og liðka fyrir samkomulagi um þinglok eins og fram kemur í Morgunblaðinu í dag. Ekki náðist hins vegar að ræða þær hugmyndir efnislega á þeim sem aðeins stóð í hálftíma.

Eftir fundinn virðist síðan hafa verið farið í þá vinnu að semja meirihlutaálit í gærkvöldi eða í nótt án þess að aðrir í sjávarútvegs- og landbúnaðarnefnd vissu af því.

Heimildir mbl.is herma að ágreiningur sé um málið í röðum stjórnarliða. Þannig hafi til dæmis tveir stjórnarþingmenn í sjávarútvegs- og landbúnaðarnefnd sett fyrirvara við samþykkt sína á meirihlutaálitinu sem lagt var fram á fundinum í morgun. /////herslags verklag og yfirgangur er´þarna á ferð !!!!!! Þarna á að valta yfir allt og alla ,er þetta það sem koma skal eða þannig,þetta er  svívirðileg aðferð og egum bjóðandi nema ,þeir !!!!

Tekið úr nefnd í „miklum ágreiningi“