Garðsapótek oftast með lægsta verðið/mín reynsla var önnur þá á ég við lifseðilsskyld lyf!!!

Garðsapótek oftast með lægsta verðið
Innlent | mbl.is | 29.9.2011 | 14:41
Garðsapótek við Sogaveg var oftast með lægsta verðið á lausasölulyfjum þegar verðlagseftirlit ASÍ kannaði verð í apótekum landsins mánudaginn 26. september. Árbæjarapótek Hraunbæ var oftast með hæsta verðið í könnuninni.
Verðmunur á lausasölulyfjum var frá 23% upp í 93%, en í flestum tilvikum var munur á hæsta og lægsta verði 30-60%.

Kannað var verð á 36 algengum lausasölulyfjum, sem eru seld án lyfseðils. Farið var í apótek víðsvegar á landinu en Ólafsvíkurapótek neitaði þátttöku í könnuninni. Lægsta verðið var oftast að finna hjá Garðsapóteki Sogavegi eða í 20 tilvikum af 36. Hæsta verðið var oftast hjá Árbæjarapóteki Hraunbæ sem reyndist dýrast í 20 tilvikum af 36.

Mesti verðmunurinn í könnuninni að þessu sinni var á verkjalyfinu Panodil (500 mg. 30 stk.) var það dýrast á 654 krónur hjá Austurbæjarapóteki Ögurhvarfi og ódýrast á 339 krónur hjá Apótekinu á Akureyri, sem er 315 krónur verðmunur eða 93%. Forðatöflurnar Duroferon (100 mg. 100 stk.) voru dýrastar á 931 króna hjá Lyfjum og heilsu í Reykjanesbæ en ódýrastar á 490 krónur hjá Garðsapóteki Sogavegi sem er 90% verðmunur. Rennie töflur fyrir bakflæði (96 stk. í pakka) voru dýrastar á 2332 krónur hjá Lyfjum og heilsu en ódýrastar á 1289 krónur hjá Garðsapóteki sem er 81% verðmunur.

Af öðrum algengum lausasölulyfjum má nefna að nikótínlyfið Nicorette fruitmint í 210 stk. pakkningu var dýrast á 5415 krónur hjá Lyf og heilsu Reykjanesbæ og ódýrast á 4390 krónur hjá Lyfjaborg Borgartúni sem er 1025 króna verðmunur eða 23%. Frunsukremið Vectavir var dýrast á 1802 krónur hjá Árbæjarapóteki Hraunbæ og ódýrast á 1240 krónur hjá Garðsapóteki Sogavegi sem var 45% verðmunur.//ég skal ekki fullyrða þetta með lausavölulyf en þetta hefi ég prófað í nokkurum Apóekum í gengum tíðina sem hafa verið augnlyst sem ódýrust!! það var um tíma Apótekið!! svo Rimaapótek siðar fór maður i Sogavegs en endaði i R.vikurapóteki vestur í bæ þar er þau ódýrust það er að segja lífseðilsskyld,svo þetta er ekki að öllu leyti rétt als ekki það ber fyrir okkur sem þurfum að nota mikil lyf að gera svona könnun/Halli gamli

Garðsapótek oftast með lægsta verðið