Atkvæði dómara í kvöld/það er spenna þó svo við vitum um klíkuna!!!!

Atkvæði dómara í kvöld Innlent | mbl | 21.5.2012 | 17:41 „Æfingin áðan gekk mjög vel. Það er gaman að sjá þetta allt saman í samhengi núna,“ sagði Hrafnhildur Halldórsdóttir, þulur, í beinni frá Bakú í Aserbaídsjan nú fyrir stundu. Fyrri æfingunni af tveimur í dag var tiltölulega nýlokið og styttist í þá seinni. „Við erum búin að vera að venja okkur smám saman við að byrja allt svona seint. Fyrri æfingin 

byrjað kl. 18:00 að staðartíma og sú síðari hefst á miðnætti eða kl. 19:00 að íslenskum tíma, eins og það verður annað kvöld. Búist er við fullri höll bæði í kvöld og á morgun en uppselt er á öll rennsli auk keppninnar sjálfrar,“bætir hún við. Dómnefndir greiða atkvæði í kvöld Æfingin í kvöld er svokölluð dómaraæfing þar sem dómnefndir allra landanna, hver og ein skipuð fimm aðilum, horfir á rennslið í beinni, innilokuð í lokuðu herbergi í hverju landi fyrir sig og greiðir í kjölfarið atkvæði sitt. Atkvæði dómnefndarinnar gilda síðan til hálfs á móti atkvæðum úr símakosningu hvers lands fyrir sig. „Þetta er því mikilvæg æfing,“ segir Hrafnhildur. Mikill áhugi á Norðurlöndunum Mikill áhugi virðist vera á Norðurlöndunum á svæðinu og greinilegt að þau þykja sterk í þessari keppni. Af þeim keppa Danmörk og Finnland með Íslandi á morgun þriðjudag. Svíþjóð og Noregur keppa síðan á fimmtudaginn. Að öðru leyti lætur hópurinn vel af sér í þessari „borg vindanna“ en svo kallast Bakú einnig vegna ljúfs andvara sem streymir oftar en ekki frá Kákasusfjöllunum. Í dag var um 30 stiga hiti í borginni að sögn Hrafnhildar, og því frábært að aðeins léki loft um mannskapinn.//////Það eina sem við getum, er að standa með okkar fólki !!og síðan velja bara það sem okkur þykir gott hjá öðrum,En að búast við of miklu er ekki gott !!það er bara gott að komst nokkuð ofarlega,öðru verðum við bara að taka ,ekki spurning/Halli gamli

Atkvæði dómara í kvöld