Getur maður sagt annað en takk//Þú ert frábær,og okkur öllum til eftirbreytni111

„Getur maður sagt annað en takk?“ Innlent | mbl.is | 3.2.2013 | 17:22 „Þetta er yndislegt og gaman að fá allt þetta fólk til að samfagna mér og hvað getur maður sagt annað en takk,“ segir Vilborg Arna Gissurardóttir suðurpólfari á móttökuhátíð sem Líf styrktarfélag stóð fyrir í Hörpu í dag.

Aðspurð hvað sé ólíkt með Vilborgu sem stóð í Hörpu í dag og þeirri Vilborgu sem tók ákvörðun um að fara í ferðina segir hún að fátt hafi breyst í fari hennar.

„Í grunninn er ég sama manneskjan og ég var þegar ég fór. En það er ómögulegt að fara í svona ferð án þess að breytast eitthvað. Vonandi breytir þetta manni til hins betra. Ég á enn eftir að vinna úr þessari reynslu,“ segir Vilborg.

Fyrirmynd unga fólksins Um 17 milljónir höfðu safnast í styrktarfélagið Líf fyrir tilstilli áheita á Vilborgu fyrir daginn í dag og tilkynnti ríkisstjórnin jafnframt um aukaframlag upp á þrjár milljónir króna í söfnunina.

Margmenni mætti á móttökuna og hlustaði m.a. á ræður Jóhönnu Sigurðardóttur forsætisráðherra, Ólafs Ragnars Grímssonar forseta.

Jóns Gnarr borgarstjóra og Ingrid Kuhlman formanns Lífs. Hvatti forsetinn meðal annars til þess að Vilborgu yrði leyft að fara inn í grunnskóla borgarinnar til að deila reynslu sinni.

„Á hvern hátt hún byggði sjálfa sig upp er mikill boðskapur fyrir unga fólkið í landinu sem þarf góðar fyrirmyndir. Ekki tókst allt hjá henni þegar hún var yngri en hún gat þjálfað sig og agað til að ná sínu markmiði. Það finnst mér vera kjarninn í öllu góðu uppeldi.

Því tel ég að það væri vel til fundið að gera Vilborgu kleift að heimsækja efstu bekki í grunnskóla, framhaldsskóla og íþróttafélög á landinu og segja sína sögu,“ segir Ólafur Ragnar Grímsson. Rígmontin þjóð Jóhanna Sigurðardóttir segir Vilborgu hafa sýnt ákaflega gott fordæmi. Vilborg sé fyrirmynd æsku og kvenna þessa lands.

„Við erum mjög stolt og ánægð með hana. Að takast á við það að ganga á suðurpólinn er einstakt og hún hlýtur að geta allt eftir þetta.

Að vera svona mikið ein hlýtur að gefa henni sjálfri mikinn styrk til að takast á við lífið. Svo ekki sé minnst á þjóðina sem er rígmontin með hana,“ segir Jóhanna.

Vilborg mun á næstunni halda fyrirlestra og verða með myndasýningar í fyrirtækjum og mögulega skólum ef ósk forsetans verður að veruleika.

Líf styrktarfélag hefur þann tilgang að styrkja Kvennadeild Landspítalans, bæta aðbúnað og þjónustu við konur og fjölskyldur þeirra á meðgöngu, í fæðingu og sængurlegu sem og konur sem þurfa umönnun vegna kvensjúkdóma.

Félagið vinnur að líknar- og mannúðarmálum í þágu fjölskyldna.///////////////////þetta afrek verður engi í mynnum haft!!auðvitað eitt og sér eiginlega það mesta sem um getur að manni rekur mynni til hjá konum Ísenskum og þó víðar væri leitað!!en við erum þarna kannski eins hógvær og hún sjálf blessunin,þetta er stillt og prúð manneskja og það með afbryðjum!einnig bara yndislega framkomu,sem við höfum séð síða hún kom,en afrekið var í þágu góðs málefnis mjög eins og hefur þarna oft komið fram,en við óskum henni enn og aftur til hamingju/Halli gamli

„Getur maður sagt annað en takk?“