Engin heimild til að loka svæðinu:skil ekkert í mínum flokki sjálfstæðis að hafa á móti einkarektri!!Landeigendur eiga 2/3 ríkið rest?? !!!

Engin heimild til að loka svæðinu Innlent | mbl | 15.3.2014 | 14:14 Gjaldtaka inn á Geysissvæðið hófst í morgun. Ívar Pálsson, lögmaður ríkisins, segir að fullyrðing talsmanns Landeigendafélagsins á Geysi um að synjun á lögbanni veiti félaginu heimild til að loka svæðinu sé röng.

 

Ríkið hefur skotið málinu til dómstóla.„Lögbannið þýðir ekkert annað en það, að sýslumaðurinn [á Selfossi] hafnar því að stöðva innheimtuna.

 

Það þýðir hvorki meira né minna,“ segir Ívar í samtali við mbl.is. Hann bendir á að lögbann sé bráðabirgðagerð og í henni felist enginn efnislegur dómur. „Ef að sýslumaður telur að réttindin séu skýr og ljós á fellst hann á lögbann, ef ekki þá hafnar hann því,“ segir Ívar.

 

Sýslumaðurinn á Selfossi hafnaði kröfu fjármálaráðherra sl. fimmtudag um að leggja á lögbann við innheimtu gjalds við Geysi. „Hann rökstyður það með þeim hætti að telji að landeigendum sé heimilt að hefja innheimtu gjaldsins til þess að vernda svæðið og svo framvegis,“ segir hann ennfremur.

 

Ívar segir að Landeigendafélagið, sem sé einkahlutafélag, hafi enga heimild til að innheimta gjald á svæðinu. „Það er einkahlutafélag sem er a rukka inn á svæðið sem hefur engin réttindi á svæðinu - ekki svo við vitum með samningum við neina landeigendur eða neitt,“ segir Ívar.

 

Gjaldtaka á Geysissvæðinu hófst í morgun, líkt og mbl.is hefur greint frá. Spurður út í framhaldið segir Ívar, að ríkið hafi engar aðrar heimildir heldur en að krefjast lögbanns sem hefur verið hafnað. Því hefur ríkið ákveðið að skjóta málinu til dómstóla varðandi niðurstöðu sýslumanns.

 

Ívar vonast til að málið verði tekið fyrir eftir helgi og síðan mun það hafa sinn gang í dómskerfinu.

 

Gjaldtaka hófst við Geysissvæðið um klukkan níu í morgun. Hún hefur hins vegar ekki verið snurðulaus því ferðaþjónustufyrirtæki, s.s. rútufyrirtæki, hafa neitað að rukka ferðmenn um gjaldið og hefur því hluta gesta verið hleypt inn á svæðið án þess að gjald hafi verið greitt fyrir.

 

Garðar Eiríksson, talsmaður Landeigendafélags Geysis, segir í samtali við mbl.is að ferðaþjónustufyrirtæki séu ósátt við gjaldtökuna.

 

„Þeim gengur mjög illa að skilja okkar sjónarmið.“ Hann segir að félagið sé í fullum rétti til að loka svæðinu. Saka ferðaþjónustuna um einelti „En auðvitað viljum við eiga samstarf við þetta fólk, en þetta fólk [ferðaþjónustan] leggur okkur í einelti - ég er farinn að nota það orð - í einhverjum ofstopa og vill ekki skilja okkar sjónarmið,“ segir Garðar og vísar til þess að álagið á svæðið sé orðið of mikið og menn verði því að grípa til þessara aðgerða til að bæta ástandið.

 

Hann tekur fram að Landeigendafélagið sé félagi í Samtökum ferðaþjónustunnar. „Þetta fólk talar gegn okkur og maður spyr sig: „Rúma þessi samtök ekki nema eina skoðun?

 

Eru þetta orðnar sovéskar skoðanir í þessu markaðsdrifna fyrirbrigði,“ spyr Garðar. Eigendur Geysissvæðisins hafa bent á að þeir hafi í áranna rás borið mikinn kostnað af svæðinu án þess að nokkrar tekjur hafi komið á móti til að sinna nauðsynlegu viðhaldi og uppbyggingu á hverasvæðinu.

 

Kostar peninga að halda úti þjónustu Spurður nánar út í gjaldtökuna í morgun segir Garðar að starfsmenn Geysissvæðisins hafi skráð niður þær rútur sem hafa komið og þann ferðamannafjölda sem hefur farið inn á svæðið án greiðslu.

 

„Svo eru fjölmargir sem greiða og gera það með glöðu geði,“ segir Garðar um þær 600 kr. sem eru innheimtar af 17 ára og eldri sem vilja skoða svæðið.

 

Hann segir ennfremur að það kosti peninga og mannskap þurfi til að halda úti þjónustu á ferðamannastöðum. „Þetta er svo mikill fjöldi orðinn [af ferðamönnum], þessi stigmögnun sem hefur orðið frá 2008, hún breytir þessu öllu saman,“ segir Garðar.

 

Hann segir að staðan verði tekin í dag varðandi framhaldið, en hann ítrekar að sýslumaðurinn á Selfossi hafi heimilað landeigendum að innheimta gjald á svæðinu.

„Hann heimilar okkur hreinlega að loka svæðinu í nafni náttúruverndar og vegna þess að þetta er eign okkar,“ segir Garðar að lokum///////////////Minn flokkur stendur fyrir einkaframtaki löglegu ,og þarna stendur hnífurinn í Kúnni eins og máltækið segir ,samkomulag hlýtur að nást,nógu lengi er búið að tala um þetta svæði,sé ekki mönnum bjóðandi,nú á það að breytast og þá sagt stopp.ekkert sem maður trúir er annað en meirihlutinn hlýtur að ráða þarna þó ekki væri öðruvísi en af skinsemd,lög ríkisins gilda einnig um einkaafnot og sölu á slíku,við tossarnir höldum alltaf að þetta sé sanngjarnt,að virða einkaréttin,sem það á að vera ekki spurning,að manni finnst,öfugt dæmi er Flugvöllurinn í R.vík.þar á ríkið minnihluta en það varðar þjóðarhag,efnalítillar þjóðar,og hag flugsins og Landspítala og sjúkraflug!!!!en sættir hljóta að nást þarna annað ekki í boði/Halli gamli

Engin heimild til að loka svæðinu

Athugasemdir

[Hrólfur Þ Hraundal, 15.3.2014 kl. 21:06]

Ágætt  Haraldur, Þakka þér fyrir.  Auðvita er þetta einfalt fyrir lýðræðissinna, enda hef ég erlendis ferðast með fólki undir stjórn fararstjóra og þá er við upphaf ferðar greitt fyrir miða um aðgengi að sérstökum svæðum og engin vandamál.

 En sumir íslendingar, eins og ég tildæmis sem erum vanir að geta farið þar sem hugur leitar án greiðslu, þurfum að raða okkur saman og sætta okkur við að landið er ekki lengur bara handa okkur.

Við þessi gömlu ætum þó að fá möguleika til að geta farið um að gömlum hætti án verulegra útgjalda þó ekki til annars en að sagan verði sögð.