Myndi fagna djarfri vaxtalækkun/en það varð ekki hver ræður?????

Gylfi Magnússon, viðskiptaráðherra, segist telja að svigrúm sé nú til þess, að nafnvextir lækki jafnhratt og verðbólgan. Sagðist hann á blaðamannafundi í dag myndu fagna djarfri ákvörðun Seðlabankans um vaxtalækkun en vaxtaákvörðunardagur er nú á fimmtudag

Jóhanna Sigurðardóttir, forsætisráðherra, sagðist á blaðamannafundinum geta séð það fyrir sér, að stýrivextir ættu að geta lækkað hratt þannig að þeir verði komnir í 2-3% í lok ársins. 

Steingrímur J. Sigfússon, fjármálaráðherra, sagði um Icesave viðræðurnar, að formlegar viðræður við bresk stjórnvöld hæfust um eða upp úr miðjum maí. Þá kom fram að ákveðið var á fundi ríkisstjórnarinnar í morgun, að senda Seðlabanka Íslands tillögur umboðsmanns neytenda um neyðarlög vegna húsnæðislána til umsagnar.

Fjallað var á ríkisstjórnarfundinum um stöðu heimilanna og skuldara en  nú liggja fyrir viðbótar upplýsingar um skuldastöðu heimila. Fram kom í máli ráðherranna, að á grundvelli þessara upplýsinga verði hægt að taka ákvörðun um hvort grípa þurfi til frekari aðgerða til að koma til móts við skuldug heimili. 

Ráðherrarnir viku sér undan að tjá sig um þá frétt Morgunblaðsins í morgun, að Alþingi verði falið að ná niðurstöðu um hugsanlegar aðildarviðræður við Evrópusambandið. Sögðust ráðherrarnir ætla að bíða með að tjá sig um málið þar til stjórnarmyndun sé lokið. Þeir ítrekuðu, að þeir væru væru mjög bjartsýnir um að henni ljúki um helgina.///Hvernig er að stjórna þjófélagi svona að ráðamenn eru ráðlausir láta Norskan Seðlabankastjóra stjórna þessu með IMF og svo við að borga brúsan ,þessu verður að breyta er það ekki????Halli gamli

Myndi fagna djarfri vaxtalækkun