Franssave skekur franskan landbúnað/þarna sjáum við það i beinni!!!!!

Erlent | AFP | 5.8.2009 | 16:03
Ekki eru nema sex vikur frá því að hann tók við erfiðasta embætti í frönskum stjórnmálum að fyrir liggur að hinn öflugi landbúnaðarþrýstihópur landsins er búinn að eyðileggja sumarið fyrir landbúnaðarráðherranum,Bruno le Maire.
sama tíma og obbinn af frönsku stjórnmálastéttinni, með ofvirkan forsetann, Nicolas Sarkozy, í broddi fylkingar hefur yfirgefið París til að slappa af á ströndinni eða í sumarhúsum, svitnar þessi fertugi fyrrum starfsmaður utanríkisþjónustunnar á skrifstofu sinni.

Á borði hans hvílir ógurlegur reikningur - Brüssel hefur fyrirskipað París að neyða ávaxta- og grænmetisbændur landsins til að endurgreiða þriðjung að milljarði evra sem séu „ólöglegar“ niðurgreiðslur.

Le Maire má nú sitja undir því að vera sakaður um - að minnsta kosti í augum fulltrúa þessa stærsta landbúnaðargeira Evrópu - að bregðast þeirri frumskyldu sinni að berjast fyrir styrkjum frá ríki og Evrópu þeim til handa.

Franskir bændur fá nú þegar mest allra út úr hinni sameiginlegu landbúnaðarstefnu ESB, en milli áranna 1992 og 2002 fengu ávaxta- og grænmetisræktendur einnig ríkulegar niðurgreiðslur frá franska ríkinu.

Framkvæmdastjórn ESB hefur nú lýst þessar niðurgreiðslur ólöglegar - þar sem þær séu ranglátar gagnvart framleiðendum í öðrum samkeppnislöndum innan sambandsins - og hefur Frakklandi verið veittur frestur fram til 29. september nk. til að gera grein fyrir því hvernig eigi að fá franska bændur til að endurgreiða þessa umframstyrki.

Franskir bændur ætlast til þess að landbúnaðarráðherrann hverju sinni taki sér stöðu við þeirra hlið í slagnum við Brüsselveldið, svo að le Maire olli umtalsverðu uppnámi sl. mánudag þegar hann sagði í blaðaviðtali: „Við þurfum að hefja aðgerðir til að fá endurgreiðslur frá bændum“.

Með vöxtum mun endurgreiðslan á niðurgreiðslunum nema um 500 milljónum evra (Icesavesamningurinn er tæpir 4 milljarðar evra), fjárhæð sem bændur segja að muni reka þá í gjaldþrot og þeir verði komnir upp á náð og miskunn Spánverja og Portúgala sem eru með lægri framleiðslukostnaðBorgum ekki“

Fyrirsjáanlega brugðust þeir ókvæða við ummælum ráðherrans, og hafa hótað víðtækum mótmælum og uppþotum ef þeim verður gert að endurgreiða. Áður hafa þeir mótmælt með því að setja upp vegatálma og tonnum af landbúnaðarúrgangi verið sturtað á tröppur stjórnarbygginga.

„Við borgum ekki“, hafa frönsku bændasamtökin tilkynnt.

Í Brüssel er því aftur á móti haldið fram að frönsku niðurgreiðslurnar hafi átt að vera skammtímaaðgerð til að vernda bændur fyrir tilteknum uppskerubresti en verið síðan fest í sessi og orðið í reynd ótímabundin uppspretta tekna fyrir þarlenda bændur.

Þessum niðurgreiðslum hefur nú verið hætt en eftir stendur endurgreiðslureikningurinn.

Talsmaður framkvæmdastjórnar ESB segir engan vafa leika á því að niðurgreiðslurnar hafi verið  ólöglegar. Erfitt geti orðið að ná þessum endurgreiðslum frá bændum enda liggi höfuðábyrgðin hjá þeim aðilum sem fundu upp kerfið

"En vinsamlega gerið framkvæmdastjórnina ekki að sökudólg vegna aðstæðna sem ekki urðu til hér í Brüssel.

Le Maire þurfti snúa úr sumarleyfi sínu og eiga fund með forustumönnum bænda sl. þriðjudag, þar sem hann hét þeim því að aðstoða við að afla fjár og fresta endurgreiðslunni meðan skýrsla yrði unnin um málið.

Hann lagði einnig kapp á að koma því á framfæri að hann hefði „fullan stuðning“ bæði Sarkozy og Francios Fillon, forsætisráðherra, til að slá á gagnrýni úr ýmsum áttum.

Lionnel Luca, þingmaður og flokksbróðir Sarkozy sagði: „Það er ekki landbúnaðarráðherrans að beygja sig fyrir Brüsselbákninu.“

Félagi hans Jacques Le Guen bætti um betur: „Ef menn eru ráðherrar landbúnaðarmála eiga menn að nálgast málin í þeim anda að gæta hagmuna bænda.“

Stjórnarandstaðan brást líka skjótt við. „Það er ekki hægt að lýsa því bara yfir sisvona við fólk sem á fyrir í miklum erfiðleikum: „Þið þurfið að endurgreiða 500 milljónir evra,“ sagði varaformaður Sósíalista, Genevieve Gaillard.

Og Jean Glavany, fyrrum landbúnaðarráðherra sósíalista sagði: „Hann var ráðherra Evrópumála, og vill þess vegna vera evrópskri en allir aðrir. Þetta var fljótræði.“ //Þarna sjaum við þetta i beinni hvernig framkoma þessara manna í Brusell EB ,hvað þurfa menn meira en læra á svona,svona mudi sjafarútvegur einnig blæða út hjá okkur /Halli gamli

Franssave skekur franskan landbúnað

Athugasemdir

[Gunnar (IP-tala skráð) 5.8.2009 kl. 16:57]

Hvernig væri að lesa greinarnar áður en maður kommenterar á þær!! Greinin snýst um það að ESB hefur ofgreitt niðurgreiðslur til franskra bænda og skekkt þannig samkeppnisstöðu bænda annars staðar í álfunni. Það myndi tæpast koma sér illa fyrir íslenskan sjávarútveg ef niðurgreiðslur myndu minnka í ESB!

[Haraldur Haraldsson, 5.8.2009 kl. 17:08]

Maður las alla greinina/en svona aðferðir eru manni ekki að skapi,þetta synir bara hvernig þessi ESB lina er /líkt og Tryggingar okkar finna breiðu bökin i þeim sem mynnt hafa/Halli gamli

[Steinar (IP-tala skráð) 5.8.2009 kl. 17:58]

Það sem merkilegt er í greininni að enginn, fyrir utan franskir bændur, viðurkennir að niðurgreiðslurnar hafi verið löglegar. Bændurnir hafa fengið í raun peninga sem þeir áttu ekki fá og nú vilja þeir ekki endurgreiða því að þeir hafa eytt peningunum í eitthvað annað.

Hvað myndi íslensk stjórnvöld gera til þeirra sem borguðu ekki skatta árið 2008 og fengu álagningaseðla upp á 2 milljónir? Væri RSK miskunarlaus eða snýst þetta um einfalda balansreikning?

Ábyrgðin liggur þó aðallega á herðar franskra stjórnvalda sem leyfðu þetta eins og ábyrgðin hefði legið á atvinnuveitanda sem borgaði ekki skatta af tekjum einstaklingsins í dæminu sem ég nefndi. Brüssels gerir það sem þeim ber að gera lögum samkvæmt. Allir eru jafnir fyrir ESB, jafnvel franskir bændur.

Og þessir þingmenn sem vitnað er til, segja þetta ekki af skynsemi, heldur af eintómum popúlisma.