Nýr Landspítali efstur á blaði/vittlaus forgangsröðun!!!!!!

Nýr Landspítali, Búðarhálsvirkjun, samgöngumiðstöð við Reykjavíkurflugvöll og ýmis vegagerðarverkefni voru meðal þess sem fulltrúar ríkisstjórnarinnar og lífeyrissjóðanna ræddu um í gærmorgun, á fundi um aðkomu lífeyrissjóðanna að fjármögnun opinberra verkefna. Ekki verður fundað á ný fyrr en í næstu viku en nokkrir undirhópar vinna að málinu í millitíðinni.

„Mestur tími fundarins fór í að ræða hugmyndir um uppbyggingu á Landspítalalóðinni en það er gríðarlega stórt og mikið verkefni,“ segir Arnar Sigurmundsson, formaður Landssamtaka lífeyrissjóða. „Það mál er í eðlilegum farvegi en það tekur sinn tíma enda til margs að líta í þeim efnum.“

Þá var farið yfir stöðu viðræðna við Landsvirkjun varðandi hugsanlega aðkomu lífeyrissjóða vegna Búðarhálsvirkjunar að hans sögn. „Til viðbótar þessu var minnst á stöðu mála varðandi væntanlega samgöngumiðstöð við Reykjavíkurflugvöll en það mál er ekki komið á það stig að það sé hægt að fara að skoða það. Loks var farið almennt yfir verkefni á vegum Vegagerðarinnar sem gætu komið til álita og það má segja að Suðurlandsvegurinn sé þar efstur á blaði. En Vegagerðin er að skoða fleiri atriði sem hún þarf síðan að forgangsraða og finna flöt á að gætu fallið að þessu verkefni.“///Þetta er arfavitlaus forgangsröðun að mínu mati og fl. það er nóg annað sem meiri þörf á ,að gera sem er meira atvinnuskapandi til að gera við lífeyrir okkar///Halli gamli