Stýrivextir lækka í 11%/þetta lítið en i retta átt ????

Stýrivextir lækka í 11%
Viðskipti | mbl.is | 5.11.2009 | 8:59
Peningastefnunefnd Seðlabanka Íslands hefur ákveðið að lækka vexti bankans. Verða vextir á sjö daga veðlánum, hinir eiginlegu stýrivextir bankans, lækkaðir úr 12% í 11%.

Þá lækka vextir á viðskiptareikningum innlánsstofnana um 0,5 prósentur í 9%. Hámarksfjárhæð í vikulegum útboðum innstæðubréfa til 28 daga verður aukin úr 25 milljörðum króna í 30 milljarða króna, með 9,5% lágmarksvöxtum og 10,25% hámarksvöxtum. Í því felst 0,25 prósenta hækkun hámarksvaxta. Daglánavextir lækka úr 14,5% í 13%.

Er þetta í takt við væntingar markaðarins hvað varðar stýrivaxtalækkun en flestir greiningaraðilar og sérfræðingar á markaðnum reiknuðu með lækkun upp á 50-100 punkta, eða um 0,5 til 1 prósentu. Vitnað var til yfirlýsingar Alþjóðagjaldeyrissjóðsins um að svigrúm hafi skapast til vaxtalækkunar. Eins var tillaga um 50 punkta lækkun naumlega felld á síðasta fundi peningastefnunefndar.

Greiningardeildir bankanna voru hins vegar ekki sammála um hvort innlánsvextir Seðlabankans yrðu lækkaðir. Greining Íslandsbanka spáði lækkun um 0,25 til 0,50 prósentur en Kaupþingsmenn spáðu vöxtunum óbreyttum í 9,5%.

Ritið Peningamál 2009/4 verður birt á vef Seðlabankans klukkan 11 í dag, á sama tíma og rökin fyrir ákvörðun peningastefnunefndar verða kynnt.///þetta er líða en i retta átt,hjalpar fráum en þetta eru okurvextir samt,skoðun málin betur,vonum að þetta kom betur næst/Halli gamli

Stýrivextir lækka í 11%