Þetta rífur allt samfélagið á hol//Gerið þá eitthvað í þessu V.G.!!!!

„Þetta r

Þetta rífur allt samfélagið á hol“ Innlent | mbl | 14.8.2012 | 17:09 „Ég er í rauninni að ítreka afstöðu sem ég hef lýst lengi, hve mikilvægt það er að fá lyktir í þetta mál.

Ég hefði haldið að það hlyti að vera orðið öllum ljóst að tímaglasið er að verða útrunnið í þessum efnum,“ segir Ögmundur Jónasson, innanríkisráðherra. í samtali við mbl.is um stöðu mála varðandi umsókn Íslands um inngöngu í Evrópusambandið.

Þá segist hann hafa rökstuddan grun um að sambandið sjálft vilji draga málið á langinn enda vilji það alls ekki að innganga í það verði felld hér á landi. „Þannig yrðum við að velkjast í þessu árum saman þangað til niðurstaða fengist og það er eitthvað sem við getum ekki látið bjóða okkur.

Ég tel reyndar að það sé komið á daginn hvernig þessi samskipti öll líta út og að það sé ekki eftir neinu að bíða að spyrja þjóðina álits,“ segir Ögmundur og bætir við að þegar fulltrúar þjóðarinnar deili um málið á Alþingi og geti ekki komið sér saman um það sé hægur vandi að skjóta því til hennar og láta hana kveða upp úr hvað hún vilji gera. Fá mál verið skoðuð eins ítarlega „

Ég vil láta spyrja einfaldrar spurningar og hún er þessi: Á grundvelli þess sem þegar liggur fyrir, og með hliðsjón af því sem er að gerast innan Evrópusambandsins, vilt þú að Ísland fái aðild að sambandinu? Einhver staðar heyrði ég stjórnmálamann segja að menn mættu ekki vera svona hræddir við fólk. Það á hins vegar við um þá sem ekki þora að skjóta þessu máli til þjóðarinnar en enga aðra.

Stundaglasið er einfaldlega að renna út og það hljóta allir að gera sér grein fyrir því. Við förum ekki með þetta mál óútkljáð inn í nýtt kjörtímabil.“ Þá gefur Ögmundur lítið fyrir ummæli þess efnis að ekki liggi nægar upplýsingar fyrir um það hvað innganga í Evrópusambandið hefði í för með fyrir Ísland svo hægt sé að taka afstöðu til málsins.

„Við erum búin að lifa með þessu Evrópusambandi og öllu þessu aðlögunar- og aðildarferli núna í nokkur ár og að gefa sér það að það viti enginn neitt um það hvað hann er að tala þegar hann tekur afstöðu í skoðanakönnunum eða á opinberum vettvangi. Það er hrokafull afstaða. Það eru fá mál sem hafa verið skoðuð eins ítarlega ofan í kjölinn.“ Horfast verði í augu við veruleikann Spurður um framhaldið í kjölfar ummæla Katrínar Jakobsdóttur, varaformanns Vinstrihreyfingarinnar - græns framboðs og mennta- og menningarmálaráðherra, og Svandísar Svavarsdóttur, umhverfisráðherra, um að endurskoða þurfi umsóknina og hvort vinstri-grænir muni láta brjóta á málinu í ríkisstjórnarsamstarfinu ef á þurfi að halda segist Ögmundur ekki endilega vilja gefa sér neitt um það hvernig tekið verði á því máli. Hins vegar verði að horfast í augu við veruleikann í málinu.

„VG var alltaf með fyrirvara vegna málsins eins og hægt er að fletta upp í þingumræðum þegar umsóknin var samþykkt. Og nú ætti ekki að hafa farið framhjá nokkrum einasta manni að aðstæður allar innan Evrópusambandsins hafa gerbreyst. Þar loga vandræðabálin og þeim fækkar sem vilja ganga inn í það eldhaf.

Þannig að það er svo margt sem veldur því að margir vilja endurskoða afstöðu sína,“ segir Ögmundur en ítrekar að það hafi alltaf verið hans skoðun að hraða ætti því eins og kostur væri að fá einhverjar niðurstöður í málinu og bera þær undir þjóðina. „En nú er hins vegar að koma á daginn að menn vilja þæfa málið og draga það á langinn og það er nokkuð sem við getum ekki látið bjóða okkur.

Þess utan er þetta svo eyðileggjandi fyrir allt þjóðlífið, hvort sem það er hinn pólitíski angi eða sá efnahagslegi, að hafa þetta hangandi yfir okkur. Þetta rífur allt samfélagið á hol og deilir því í fylkingar og hefur staðið ýmsum öðrum hagsmunamálum okkar fyrir þrifum auk þess sem þetta er náttúrulega gríðarlega kostnaðarsamt," segir Ögmundur ennfremur./////"Skipað gæti ég væri mér hlýtt" segir máltækið ,en svona afsakannir eru komnar í þrot fyrir löngu!!En þetta Kannski verður til þessa ,að málið verður látið taka afstöðu til stjórnaslita,en foringinn  er í fríi í Frakklandi,og vill ekki tjá sig !!!! sem er kannski best fyrir hann að segja sem mynnst,nóg er hann búin að verja þetta ferli,og kostnað sem er að drepa okkur,dettur einhverjum í hug að þetta kosti ekki neitt?? það er svo að eins og málin standa, þarna í ESB er þetta bara frágangssök ,að vera lengur að ræða þetta ,bara slíta þessu það er það eina i stöðunni!!!/Halli gamli

„Þetta rífur allt samfélagið á hol“

Atvinnuleysið mælist 4,7%///Ekki trúi ég þessum tölum,:bara als ekki!!!

Atvinnuleysið mælist 4,7% Innlent | mbl.is | 14.8.2012 | 12:03 Skráð atvinnuleysi í júlí var 4,7%, en að meðaltali voru 8.372 atvinnulausir í mánuðinum og fækkaði þeim um 332 að meðaltali eða um 0,1 prósentustig, samkvæmt skýrslu Vinnumálastofnunar.

Hefur atvinnuleysi ekki mælst jafn lítið hér á landi síðan í nóvember 2008 eða skömmu eftir hrunið. Þá mældist atvinnuleysið 3,3%. Hins vegar var atvinnuleysið á milli 1-2% fyrstu tíu mánuði ársins 2008. Körlum á atvinnuleysisskrá fækkaði um 294 að meðaltali og konum um 38. Atvinnulausum fækkaði um 261 á höfuðborgarsvæðinu en um 71 á landsbyggðinni. Atvinnuleysið var 5,4% á höfuðborgarsvæðinu og minnkaði úr 5,5% í júní.

Á landsbyggðinni var atvinnuleysið 3,5% og breyttist ekki frá júní. Mest var atvinnuleysið á Suðurnesjum, 7,4%, og minnkaði úr 7,5% í júní. Minnst var atvinnuleysið á Norðurlandi vestra, 1,2%. Atvinnuleysið var 4,1% meðal karla og 5,4 % meðal kvenna. 3.418 án atvinnu í ár eða meira Alls hefur 5.441 verið atvinnulaus lengur en sex mánuði samfellt. Hefur þeim fækkað um 63 frá lokum júní og eru um 63% þeirra sem eru á atvinnuleysisskrá í júlí.

Fjöldi þeirra sem verið hafa atvinnulausir í meira en eitt ár var 3.418 í júlílok og fækkar um 103 frá lokum júní. Alls voru 1.242 á aldrinum 16‐24 ára atvinnulausir í lok júlí eða um 14,3% allra atvinnulausra. Í lok júní voru 1.265 á þessum aldri atvinnulausir og hefur þeim fækkað um 23 milli mánaða. Í lok júlí 2011 var fjöldi atvinnulausra ungmenna 1.930 og fækkaði því um 688 milli ára í þessum aldurshópi.

Alls voru 1.517 erlendir ríkisborgarar án atvinnu í lok júlí, þar af 866 Pólverjar eða um 57% þeirra útlendinga sem voru á skrá í lok mánaðarins. Í júnílok sl. voru 1.587 erlendir ríkisborgarar á atvinnuleysisskrá og fækkaði því um 70 erlenda ríkisborgara á atvinnuleysisskrá.

Flestir atvinnulausra erlendra ríkisborgara voru starfandi í ýmiss konar þjónustu eða 223. Útlit fyrir svipað atvinnuleysi í ágúst Almennt breytist atvinnuleysi lítið milli júlí og ágúst. Fyrir ári jókst atvinnuleysið milli þessara mánaða úr 6,6% í júlí í 6,7% í ágúst. Vinnumálastofnun gerir ráð fyrir að atvinnuleysi í ágúst verði svipað og í júlí eða aukist lítils háttar og verði á bilinu 4,6%‐5%, að því er fram kemur á vef Vinnumálastofnunar./////Það er ljótt að þurfa að segja það að þetta eru mjög útfrúverðugar tölur og meir og mynna!!!sumt bara lýgi og ekkert annað ,við sem skoðum þessa hluti mikið sjáum allt annað,svo er bara verið  að verja þessa ríkisstjórn i bak og fyrir,ekkert annað ,með svona tölum,sem standast ekki/Halli gamli

Atvinnuleysið mælist 4,7%

Walker ekki enn hluthafi í Iceland/ en verður: það lýst manni vel á,eftir samtalið við Walker!!!

Walker ekki enn hluthafi í Iceland Viðskipti | Morgunblaðið | 14.8.2012 | 8:33 Þrátt fyrir að Malcolm

Walker hafi látið hafa það eftir sér í fjölmiðlum um helgina að hann sé ekki hluthafi að versluninni Iceland, sem var opnuð nýverið, þá segir Jóhannes Jónsson, stofnandi verslunarinnar, í samtali við Morgunblaðið að slíkt standi til – enn sé þó verið að ganga frá allri pappírsvinnu.

Samkvæmt upplýsingum frá Creditinfo var Jóhannes skráður með 100% eignarhlut í Ísland-Verslun ehf. í lok júnímánaðar, en það er eignarhaldsfélagið utan um verslunina. „Hann [Walker] verður hluthafi með mér. Það er bara ekki búið að ganga frá öllum pappírum.

Hann var því ekki að svara já við einhverju sem ekki var orðið,“ segir Jóhannes Jónsson, stofnandi matvöruverslunarinnar Iceland í Kópavogi, í samtali við Morgunblaðið. Hann hefur sagt við fjölmiðla að þeir Walker muni eiga verslunina saman. „Eignarhaldið verður eins og ég hef alltaf sagt að það verði.“///þetta er bara gott að hafa þessa góðu kaupmenn!!! saman eftir viðtalið við Walker er maður viss um að hann er heill, og mun koma þarna í eignarhald,við erum einnig ,mjög svo hrifin af netverslun sem þeir báðir hafa áhuga á og Jóhannes verður með í Iceland!!! við gamla fólkið þurfum þessa oft og eiginlega mikið fleiri!!! en þetta er verslun sem manni lýst mjög vel á búin að versla þarna 4 sinnum og verðið gott/Halli gamli

Walker ekki enn hluthafi í Iceland

Umsóknin var andvana fædd/það segirðu satt Illugu!!!!

Umsóknin var andvana fædd Innlent | mbl | 13.8.2012 | 23:41 „Þessi atburðarás kemur mér ekkert á óvart. Það lá alltaf fyrir að vinstri-grænir gætu ekki farið í kosningabaráttu með þetta mál í óbreyttum farvegi. Þetta mál var þess utan alla tið andvana fætt þar sem ríkisstjórnin hefur verið gersamlega klofin í því,“ segir Illugi Gunnarsson, alþingismaður. Sjálfstæðisflokksins.

Engin skynsemi sé að halda áfram með umsóknina um inngöngu í Evrópusambandið í ljósi þess sem gerst hafi í tengslum við hana á undanförnum árum. „Enda sjá menn bara að framundan eru óhjákvæmilega slíkar breytingar hjá Evrópusambandinu að það er tómt mál að tala um það að halda málinu til streitu.

Jafnvel þó viðræðurnar yrðu kláraðar þá vita menn ekkert hvernig sambandið á eftir að þróast á komandi árum. Og um hvaða ESB væri þá verið að kjósa hér á Íslandi?“ segir Illugi.

Skynsamlegast væri að stöðva umsóknarferlið og hefja það ekki að nýju nema skýrt umboð lægi fyrir frá kjósendum í þjóðaratkvæði. „Þetta er augljóslega til komið vegna stöðu vinstri-grænna í skoðanakönnunum og stöðunnar innanflokks hjá þeim.

Allur aðdragandi málsins er svo augljós og allir flokkshagsmunir þeirra knýja fram þessa niðurstöðu,“ segir Illugi ennfremur aðspurður hvort honum þyki yfirlýsingar úr þingflokki Vinstrihreyfingarinnar - græns framboðs um að endurskoða þurfi umsóknina um inngöngu í Evrópusambandið trúverðugar. „Þeim má ljós vera að þetta er aðalmál Samfylkingarinnar þannig að þeir hljóta að gera sér það ljóst að það er ekkert aftur snúið með þetta.

Þeir munu ekki geta bakkað út úr þessari atburðarás. Og þá er spurningin hvort Samfylkingin er tilbúin að beygja sig til þess að halda ríkisstjórnarsamstarfinu gangandi eða það sem best væri fyrir þjóðina alla að þeir ákveddu bara að fara frá og boðað yrði sem fyrst til kosninga,“ segir Illugi spurður að því hvort hann eigi von á því að ríkisstjórnin fari frá vegna málsins./////Svo mörg voru þau orð Illuga ,og þarf ekki mikið við þau að bæta ,nema segja i einnlægni bara  það sama, og vonum bara um hægt ándlát þessarar umsóknar verði sem fyrst/Halli gamli

Umsóknin var andvana fædd