Kristin gildi ráði við lagasetningu/ekkert ljótt við það,en við erum með trúfelsi í landinu,og eigum að virða það einnig!!!

Kristin gildi ráði við lagasetningu Innlent | mbl.is | 23.2.2013 | 21:07 Öll lagasetning á Íslandi skal ávallt t
taka mið af kristnum gildum og hefðum þegar það á við, samkvæmt ályktun sem samþykkt var á landsfundi Sjálfstæðisflokksins í dag.

Í ályktuninni, sem drög voru lögð að í allsherjar- og menntamálanefnd landsfundar, segir að Sjálfstæðisflokkurinn telji að kristin gildi séu þjóðinni til góðs „nú sem aldrei fyrr“ og að hlúa beri að kirkju og trúarlífi.

„Sjálfstæðisflokkurinn vill standa vörð um þjóðkirkju Íslands samkvæmt stjórnarskrá,“ segir í ályktuninni sem samþykkt var.

Jafnframt að landsfundur telji mikilvægt að ríkisvaldið standi full skil á félagsgjöldum (sóknargjöldum) þjóðkirkjunnar og annarra trúfélaga.

Óánægja meðal ungra sjálfstæðismanna Ungir sjálfstæðismenn beittu sér fyrir því á landsfundinum í dag að ákvæði um að öll lagasetning skuli taka mið af kristnum gildum og hefðum yrði fellt út, en sú tillaga var felld naumlega og ályktunin samþykkt óbreytt.

Áslaug Arna Sigurbjörnsdóttir, formaður Heimdallar, segist á facebook síðu sinni í kvöld vera hneyksluð á því að landsfundur hafi samþykkt ályktunina í þessari mynd. „Lagasetning á aldrei að taka mið af trúarbrögðum og þingmenn eiga alltaf að vera þingmenn einstaklinga ekki trúarbragða.

“ Í stjórnarskrá lýðveldisins Íslands er kveðið á um að hin evangelíska lúterska kirkja skuli vera þjóðkirkja á Íslandi og ríkisvaldið skuli styðja hana og vernda.

Að öðru leyti segir um trúmál í stjórnarskránni að allir eigi rétt á að iðka trú sína í samræmi við sannfæringu hvers og eins.

Allir skuli vera jafnir fyrir lögum og njóta mannréttinda án tillits til trúarbragða.//////////////Auðvitað eru kristinn gyldi góð,og allt það en þetta er ekki rétt orðað að mínu áliti,og als ekki að tala um þjóðkirkju,eins og er ennþá ríkiskirkja að hluta!!því fullan aðskilnað vantar!!en það kemur að því,ég er Fríkirkjumaður frá fæðingu engin ríkistyrking,og svo er trúfrelsi í landinu og við verðum að virða það og ekki bara evangelíska Lúterstrú ,þessu verur breytt í stjórnarskrá fyrr en varir,einnig að þjóðkirkjan hafi einhvern forgang,þess vegna getur ekki flokkurin okkar sagt svona og falið sig bak við þetta efni í stjórnarskrá als ekki!!við verðum að orða þetta öðruvísi segi ég bara sem mjög trúaður maður ekkert síður en prestarnir í flokknum mínum,og allir þar trúaðir,en við erum einig með ábyggilega fullt af fóli sem ekki er trúað í Guð  og er bara með sama rétt og við,verðum að taka á því mark,í flokki allra stétta!!!!/Halli gamli

Kristin gildi ráði við lagasetningu

Ég vil þakka fyrir mig/Mikil eftirsjá af Ólöfu Nordal,og henni þökkuð fræbær störf,en hún ekki hætt,er með okkur hinum,eða fjöldanum!!!

Ég vil þakka fyrir mig“ Innlent | mbl.is | 23.2.2013 | 13:49 „Ég er hingað komin til að kveðja. Ég vil þakka fyrir mig,“ sagði Ólöf Nordal, fráfarandi varaformaður Sjálfstæðisflokksins, í kveðjuræðu á landsfundi Sjálfstæðisflokksins í dag.

„Ég ætlaði að vera með ykkur svo miklu lengur,“ sagði Ólöf. „En engin á að halda ... að hann hafi nokkra stjórn á elfur lífsins... Lífið sjálft tekur völdin... Ég held að það sé okkur öllum hollt að líta aldrei á neitt sem gefið,“ sagði Ólöf. „Flokkurinn stendur á tímamótum... Öllu skiptir að lausnir Sjálfstæðisflokksins verði ráðandi vi

ð stjórn landsins á komandi árum,“ sagði Ólöf og vék að þeim tækifærum sem væru til að styrkja hagkerfið, m.a. með því að lækka skatta á heimili og fyrirtæki.

Brjótast þurfi út úr þeim haftabúskap sem Ísland hafi búið við á síðustu árum. Mikilvægasta aðgerðin væri að mæta hagsmunum heimilanna.

„Hvaða aðgerð getur verið almennari en sú að byggja undir hagvöxt?“ spurði Ólöf og vék að stjórnmálamenningu síðustu ára.

„Við verðum að huga vel að opinberri umræðu. Ríkisstjórn Jóhönnu Sigurðardóttur tók við undir trumbuslætti og mótmælaöldu,“ sagði Ólöf og rifjaði upp að vorið 2009 hefði Jóhanna lofað samstöðu, þvert á sundrungu síðustu ára.

Þá sagði hún landsdómsmálið ríkisstjórninni til ævivarandi skammar. Neikvæð áhrif kommentakerfa Ólöf gerði bloggmenninguna að umtalsefni og hvernig nær látlaust væri ráðist á suma einstaklinga með ljótu orðfæri.

„Við eigum að taka til varna og segja hingað og ekki lengra.“ Sagði Ólöf svo að tilteknir fjölmiðlar hefðu veist að Bjarna Benediktssyni, formanni Sjálfstæðisflokksins á ómaklegan hátt. Sjálfstæðisflokkurinn yrði að berjast gegn persónulegum árásum, dylgjum og rógi.

Sagði hún kommentakerfi bloggsíðna hafa áhrif á það hvernig opinber umræða þróast. Þessi ómenning geti leitt til þess að sumt fólk veigri sér við að taka þátt í opinberri umræðu

. „Það má ekki verða þannig að fólk finnist ekki borga sig að taka þátt í henni.“ Ólöf vitnaði í Ólaf Thors: „Við minnumst þess að með hverjum sigri í sjálfstæðisbaráttuni hefur þjóðinni vaxið þrek og djörfung.“ Ólöf sagði svo Sjálfstæðisflokkinn standa saman í þágu allra einstaklinga og heimila.

Andstæðingar flokksins byggi hins vegar allt á tortryggni og vantrausti. Við höfnum „sundurlyndisfjandandum“, sagði Ólöf. Berjast fyrir réttlátu samfélagi Hún vék svo að því sem sameini Sjálfstæðisflokkinn.

„Við erum ekki endilega sammála um allt og við þurfum ekki að vera en við deilum grundvallarlífsskoðunum.

Við berjumst fyrir réttlátu samfélagi og við vitum að framundan er betri tíð með blóm í haga.“ Ólöf þakkaði síðan fyrir þann stuðning sem henni hefði verið sýndur. Hún óskaði svo forystu flokksins velfarnaðar og alls hins besta

. „Ég færi mig yfir í bakvarðasveitina. Ég þakka fyrir mig.“/////////////svo mörg voru hennar orð og þau góð,en það er eftirsjá af henni blessaðri!!en það sem hún segir þarna er okkur til umhugsunar margt og við skulum íhuga að skoða það vel!!!en við sjálfstæðismenn erum henni þakklátir fyrir hennar störf,og kunnum að meta þig vel!!!en það kemur maður á mans stað,og það verður einnig góð manneskja,og við bindum við hana miklar vonir og vonumst til að allir gangi sáttir frá borði að lokknum þessum landsfundi,sérstaklega ef þetta stóra mál skuldavandi heimilanna verði leist með láði en ekki svikadæmi!!!!/Halli gamli  

„Ég vil þakka fyrir mig“

Wenger: Kærkomið eftir krísu//Já þetta vonandi heldur áfram,enda er þetta í liðinu,vantar að springa út!!!!

Wenger: Kærkomið eftir krísu Íþróttir | mbl.is | 23.2.2013 | 17:55 Arsene Wenger knattspyrnustjóri Arsenal segir leikmenn sína hafa verið stressaða í leiknum gegn Aston Villa í dag eftir vonbrigði síðustu vikna, en sigurinn hjálpi liðinu að jafna sig.

Hann hrósaði hetjunni Santi Cazorla sem skoraði bæði mörkin í 2:1 sigri.

Arsenal féll um síðustu helgi úr leik fyrir B-deildarliði Blackburn í enska bikarnum, eftir að hafa fyrr í vetur fallið úr leik í deildabikarnum gegn D-deildarliði Bradford, og tapaði svo 3:1 á heimavelli fyrir Bayern München í Meistaradeildinni í vikunni.

„Við höfðum orðið fyrir miklum vonbrigðum í tvígang og liðið var svolítið stressað en einbeitt frá byrjun leiks. Þetta var verðskuldaður sigur og hann ætti að gera andrúmsloftið þægilegra. Þetta hefur verið svolítið erfitt síðustu daga

. Það var mikilvægt að ná þessum sigri í dag,“ sagði Wenger sem var svo spurður um framlag Spánverjans Santi Cazorla.

„Bestu leikmennirnir gera sitt þegar á þarf að halda og Santi Cazorla gerði það í dag.

Þegar maður er að koma úr svona krísu eins og við höfum verið í þá gæti maður sætt sig við jafntefli en maður þakkar fyrir að ná sigri,“ sagði Wenger.////////////////Loksins kom liðið aðeins til baka og það vonandi til að vera í framhaldinu!!!eða það vonum við sem fylgjum  þess liði í súrt og sætt!!!en það er í þessu liði margt gott og það þarf að ná sér á strik og komast í 4 sætið allavega og svo kaupa tvo til þrjá góða menn og vinna deildina næst,áfram Arsenal!!!!/Halli gamli

Wenger: Kærkomið eftir krísu

Fólk öðlist trú á framtíðina/mjög góð ræða Hönnu Birnu varaformansefnis okkar!!!

Fólk öðlist trú á framtíðina Innlent | mbl.is | 23.2.2013 | 14:57 „Kæru landsfundarfulltrúar. Það er ríkisstjórn í landinu. Það er kannski ekki alltaf augljóst en hún er samt þarna enn,“ sagði Hanna Birna Kristjánsdóttir, frambjóðandi til varaformanns Sjálfstæðisflokksins, á landsfundi flokksins fyrir stundu.

Hanna Birna dró saman viðhorf ríkisstjórnarinnar til atvinnulífsins svona: „Ef það hreyfist - er það skattlagt. Ef það heldur áfram að hreyfast - eru sett lög á það. Og ef það stoppar - er það sett á opinbera styrki.

“ Hanna Birna býður sig fram til varaformanns Sjálfstæðisflokksins en hún ítrekaði í ræðu sinni í dag að hún stefni ekki á formannssætið í flokknum.

Frá landsfundi Sjálfstæðisflokksins. mbl.is/Árni Sæberg Sagði hún að stundum hefði verið haft í flimtingum að forystumenn ríkisstjórnarinnar skyldu ekki ensku.

Enn alvarlegra væri að þær skyldu ekki íslensku og vísaði þar til sambandsleysis stjórnvalda við þjóðina. „Þessar kosningar snúast um það eitt að fólkið í þessu landi öðlist trú á framtíðina,“ sagði Hanna Birna. Skattahækkanir hefðu gengið það nærri fólkinu í landinu að það sjái vart vonarglætu.

Skuldastaða heimilanna væri ekki viðunandi, margar fjölskyldur gætu ekki meira.

Alvöru lýðræðisflokkur „Sjálfstæðisflokkurinn er alvöru lýðræðisflokkur. 20.000 einstaklingar um land allt tóku þátt í að stilla upp framboðslistum fyrir næstu alþingiskosningar,“ sagði Hanna Birna og benti á að það væru rúmlega helmingi fleiri en allir þeir sem tóku þátt í að stilla upp listum fyrir alla aðra stjórnmálaflokka landsins.

Þá minnti hún á að Steingrímur J. Sigfússon hefði fengið innan við 200 atkvæði í prófkjöri VG í 40.000 manna kjördæmi, þ.e. Norðausturkjördæmi, og hvernig Guðmundur Steingrímsson lét handvelja sig sem formann flokksins af kunningjum og vinum.

Sagðist Hanna Birna ekki vita hvort stuðninsmenn Guðmundar hefðu mætt í Star Wars-búningum á fundinn hjá Bjartri framtíð, „en í borgarstjórn hljóma þeir að minnsta kosti oft eins og þeir séu af allt annarri plánetu,“ sagði Hanna Birna.

„Við erum öll í framboði. Við sem eigum sameiginlega drauma fyrir framtíð Íslands erum öll frambjóðendur flokksins. Við erum boðberar hugsjóna og fulltrúar frelsisins,“ sagði Hanna Birna.

„Árið 2013 verður ár nýs upphafs fyrir Ísland.“ „Við sjálf getum haft áhrif til góðs“ Ræða Hanna Birna var á persónulegum nótum.

Hún rifjaði upp þegar hún sat ásamt verðadi eiginmanni sínum í gömlum Fiat og hlustaði á hann segja uppnuminn frá deginum sínum, eftir landsfund Sjálfstæðisflokksins 1991.

„Ég hugsaði með mér. Hvað er það eiginlega við þennan landsfund? Skyldi ég einhvern tíma verða svo uppnumin í pólitík að ég geti með svona mikilli gleði og stolti varið fjórum heilum dögum á fundi til að ræða framtíð lands og þjóðar.

Ég skal viðurkenna að á þessum rúnti á litla Fiatnum okkar - þar sem við vorum bæði 22 árum yngri – ég með herðapúða og Villi með strípur - þá var ég ekki sannfærð um að svo yrði.“ Á landsfundi 1996 hafi hún hins vegar sannfærst algjörlega um töfra þessarar samkomu og upplifað stolt, gleði og þakklæti yfir að tilheyra hópi fólks sem léti sig málin varða.

„Ég er í stjórnmálum því mig langar að einmitt þessi tilfinning – þessi vissa um að við sjálf getum haft áhrif til góðs nái til sem flestra.“ „Spurðu hvað þú getur gert“

Hún sagði einnig frá heimsókn sinni til Harvard-háskóla fyrir skömmu þar sem hún hafi tekið hús á Harvard Kennedy School of government. Þar hafi hún veitt athygli spjöldum þar sem stóð „spurðu hvað þú getur gert“ með vísan til frægrar ræðu John F. Kennedy þar sem forsetinn hvatti þegna sína til að spyrja ekki hvað Bandaríkin gætu gert fyrir þá heldur hvað þeir gætu gert fyrir Bandaríkin. „Undir þessari lýsingu varð mér hugsað heim.

Heim til Íslands sem þarf svo mikið á því að halda að við öll, hvert fyrir sig og hvert fyrir annað, spyrjum okkur að því hvað við getum gert. Hvað við getum gert fyrir landið okkar, fólkið og framtíðina,“ sagði Hanna Birna.

Hún sagði verkefnin framundan stærri en svo að þau verði leyst af atvinnustjórnmálamönnum, einum leiðtoga eða ríkisstjórn. Íslendingar þurfi að vera reiðubúnir að spyrja fyrst hvað þeir geti gert áður en lausnanna er leitað hjá stjórnmálamönnum.

„Hér í salnum eru fjölmargir einstaklingar sem hafa spurt sig hvað þeir geta sjálfir gert. Einstaklingar sem biðu ekki eftir því að aðrir gengu til verka fyrir þá heldur gerðu það sjálfir,“ sagði Hanna Birna.

Hún rifjaði upp að hún hafi sjálf verið á framboði gegn Bjarna Benediktssyni á síðasta landsfundi og fengið fínan sstuðning.

„Ég margítrekaði á síðasta landsfundi að ég myndi ekki bjóða mig aftur fram til formanns á þessu kjörtímabili, heldur virða ykkar val, kæru félagar, á síðasta landsfundi.

Við það stendur. Ég tók engu að síður ákvörðun um að gefa kost á mér til varaformanns. Það er svar mitt við spurningunni um ,,hvað get ég gert?”.“//////////////það er svo að Hanna Birna er komin í framtíðarforristu flokksins ekki spurning,þessi ræða frábær og hún verðugur varaformaður okkar,enda ekki annar þar í framboði og við mikið ánægð ef þau ná vel saman hún Barni og Kristján sem ég held að nái kjöri sem annar varaformaður,ekki það að ég geri lítið úr mótframboði bæjarstjóra Hveragerðis als ekki,hún kemur inn seinna blessuð og er skellegg mjög.en áfram með ræðuna hennar Hönnu Birnu hún sannar að þarna er komin manneskja sem við öll viljum í forustusveitina/Halli gamli

Fólk öðlist trú á framtíðina

Skoraði á fólk að kjósa Hönnu Birnu//þetta er hans skoðun en það verður kosið,og það er svarið!!

Skoraði á fólk að kjósa Hönnu Birnu Innlent | mbl.is | 23.2.2013 | 15:09 Sjálfstæðisflokkurinn á enn eftir að gera upp efnahagshrunið, að mati Halldórs Gunnarssonar í Holti sem býður sig fram til formanns flokksins.

Hann skoraði í dag á landsfundarfulltrúa að kjósa Hönnu Birnu sem formann, þótt hún hafi ekki boðið sig fram sem slíkur.

„Eftir ræðu Hönnu Birnu [Kristjánsdóttur] skora ég á landsfundarfulltrúa, án þess að hún hafi boðið sig fram, að kjósa hana,“ sagði Halldór í lok ræðu sinnar.

En skömmu áður hafði Hanna Birna lýst því yfir að hún byði sig fram í sæti varaformanns. Halldór rifjaði upp að þegar einkabankarnir þrír hrundu haustið 2008 hefðu 5% þjóðarinnar átt 95% fjármagnsins í bönkunum.

Ríkið hefði tryggt innistæður á sama tíma og ákveðið var að heimilin skyldu taka á sig stökkbreytt lán. Þau lán hefðu hækkað um 400-450 milljarða króna frá efnahagshruninu.

Frá landsfundi Sjálfstæðisflokksins. mbl.is/Árni Sæberg Halldór beindi síðan orðum sínum til þeirra þingmanna Sjálfstæðisflokksins sem studdu Icesave-III samninginn.

Sá hefði kostað 90 milljarða. „Það væri eins og fyrsta greiðsla til heimilanna sem töpuðu öllu,“ sagði Halldór. Halldór tók síðan undir með formanni Sjálfstæðisflokksins að nauðsynlegt væri að taka á vogunarsjóðunum.////////////////Margt var gott sem sérann sagði og það er ekkert ljótt að segja sína meiningu,en um skuldir heimilanna og vanda lántakanda þarna er hann harður og mikið til í því að gera þar betur!!! en að tefla þarna þeim upp á móti hver öðru Bjarna og skíta hann út um leið og svo Hönnu Birnu er ekki flokknum til framdráttar ,þar andsæðingum til góða,en semsagt þetta er hans álit og það fer fram kosning og hún sker um þetta alt Formann Varaformann og annan Varaformann og við stöndum við þá aðgerð,en eins og þarna kemur fram eru skoðanir skiptar og það bara gott,ef ekki skemmir fyrir flokknum/Halli gamli

Skoraði á fólk að kjósa Hönnu Birnu

Sér ekki eftir neinu/þetta hafa menn oft sagt og ekki geta staðið við als ekki!!

Sér ekki eftir neinu Innlent | mbl | 22.2.2013 | 23:57 „Algerlega hiklaust.

Ég margtók það fram að ég sæi ekki eftir einu einasta augnabliki og allra síst okkar ákvörðun um að fara inn í ríkisstjórn og leggja okkar af mörkum,“ sagði Steingrímur J. Sigfússon, formaður VG, aðspurður hvort hann myndi gera það sama á kjörtímabilinu aftur ef hann gæti

. Steingrímur lætur af formennsku í VG á morgun, laugardag, en hann hefur verið formaður flokksins frá stofnun 1999. Skömmu eftir að hann lauk kveðjuræðu sinni á landsfundi VG í kvöld gaf hann kost á viðtali.

Var auðséð að hann var djúpt snortinn eftir kveðjustundina. Bolir með myndum af Steingrími og Katríni Jakobsdóttur voru til sölu á landsfundinum í gær. Voru þeir með sniði þekktrar myndar af Che Guevara, byltingarleiðtoganum fræga.

Árni Sæberg Skynjaði samkenndina - Hvernig er þér innanbrjósts eftir að hafa haldið kveðjuræðu á landsfundi? „Mér líður bara ákaflega vel. Þetta er kannski auðvitað ákveðinn léttir svona en ég er aðallega ánægður með stemninguna og samkenndina sem ég þóttist skynja úr salnum.

Ég held að þetta sé að ganga bara mjög vel hjá okkur öllum til samans, mér og flokknum.“ - Áttu eftir að sakna þess að vera formaður? „Nei, ég held ekki, sérstaklega vegna þess að ég ætla að halda áfram og vera með og ég er fullur tilhlökkunar að takast á við það að leggja mitt af mörkum í aðeins nýju samhengi.

Ég skynja ekki annað en góðan hug og anda í kringum það. Auðvitað var þetta ákveðin saknaðarstund hjá sumum og maður skynjaði það líka.

En ég held að þetta sé að gera sig mjög vel.“ Fráfarandi og verðandi formenn VG á landsfundi í kvöld. mbl.is/Árni Sæberg Stefnumálin sem marka sérstöðu VG - Hvernig meturðu sóknarfæri ykkar nú þegar eru rúmlega 60 dagar í kosningar?

„Ég met þau alveg bærileg. Ég hef svo sem aldrei haft tiltakanlega þungar áhyggjur af því að við myndum ekki fá, ja segjum þokkalega kosningu innan gæsalappa. Þ.e.a.s., ef maður horfir til okkar málefnalegu sérstöðu og hvar við erum, sem eini handhafi svona róttækrar vinstri stefnu, umhverfisverndar og kvenfrelsis og annarra hluta sem marka okkar sérstöðu og í pólítík.

Ég veit alveg að það er það margt fólk sem vill slíkar áherslur og að við fáum góða kosningu. Síðan hef ég trú á því að við eigum núna mikil sóknarfæri.

Meðal annars með því að við sýndum það hér að við getum endurnýjað okkar forystu og fengið kynslóðaskipti og glæsilega nýja sveit til að leiða okkur.

Með okkur sem höfum meiri reynslu með í hópnum held ég að það sé einhver besta blanda sem er til og ég held að enginn annar íslenskur stjórnmálaflokkur sé eins vel settur og við í þessum efnum, að eiga efnilegt og yngra forystufólk sem er tilbúið til að taka við keflinu, ungt að árum en samt með reynslu.

Þannig að ég er ákaflega bjartsýnn á það að þetta marki upphafið að viðsnúningi og að við verðum í sókn á næstu vikum og fram að kosningum.“ Framlag VG til stjórnmálaumræðunnar markverðast - Þú ræddir í síðari hluta ræðu þinnar um endurnýjun og að VG væri jafnvel mikilvægasti flokkurinn hvað það varðar?

„Ég held því hiklaust fram að við höfum lagt langmest til málefnalegrar endurnýjunar íslenskra stjórnmála núna undanfarinn einn, einn og hálfan áratug. Við höfum komið á dagskrá og komið inn í umræðuna ýmsum hlutum sem að vantaði dálítið að væri tekist á við í íslenskum stjórnmálum.

Við erum auðvitað þar með okkar áherslur og okkar pólitík en það getur enginn borið á móti því að umræða um umhverfismál, að umræða um kvenfrelsi, um baráttu gegn klámi, vændi og mansali og öðru slíku er öðruvísi í dag og Vinstri græn eiga mestan þátt í því

. Það má nefna fleiri málaflokka til. Þannig að áhrif flokka mælast ekki bara í fylgi og þeim mönnum sem þeir fá inn á þing eða í sveitarstjórnir.

Þau mælast líka í því hvort að þeir nái að setja mark sitt verulega á inntak stjórnmála. Það hafa Vinstri græn svo sannarlega gert. Þegar við bætist svo að við höfum auðvitað skipt sköpum varðandi valdahlutföllin í íslenskum stjórnmálum undanfarin fjögur ár er okkar hlutur stór í þessum efnum.

Ég býð hvaða stjórnmálafræðingi sem er upp á rökræður um það við mig. Ég held því fram að enginn einn flokkur hafi haft meiri áhrif á þróun íslenskra stjórnmála síðastliðin 14-15 ár en við Vinstri græn.“ Öðruvísi ræða en venjulega - Var það tilfinningaþrungið fyrir þig að halda ræðuna og kveðja félagana og heyra svo Maístjörnuna í lokin?

„Já. Maður varð auðvitað dálítið snortinn af þessari stund og það er margt sem flýgur í gegnum hugann. Þetta var allt öðruvísi ræða en ég er vanur að halda sem formaður, eðlilega, ég geymdi auðvitað margt af því sem verður í höndum nýs formanns að tala um og leggja meira línurnar og tala um stjórnmál líðandi stundar og það sem er fram undan í kosningabaráttunni.

Ég fór svona yfir sviðið, fór yfir hlutina og söguna. Þegar maður var að minnast góðra og genginna félaga og annarra slíkra hluta að þá eru heitar tilfinningar í því.

Ég er óskaplega ánægður og þakklátur vini mínum Høgna Hoydal að mæta. Ég vissi að hann þurfti að leggja dálítið á sig til að koma. Við höfum fylgst þétt að í gegnum líklega ein 20 ár eða meira í pólitíkinni og ég hef fengið góðar kveðjur, til dæmis frá Kristinu Halvorsen, mennta- og menningarmálaráðherra Noregs. Við höfum líka verið lengi saman í þessu.

Þannig að maður finnur fyrir því að maður á inni og það er hugsað til manns víða að, meira segja utanlands frá.“ Sér ekki eftir neinu einasta augnabliki Myndirðu gera það sama á kjörtímabilinu ef þú gætir byrjað það upp á nýtt með reynslu síðustu fjögurra ára í farteskinu? „Algerlega hiklaust.

Ég margtók það fram að ég sæi ekki eftir neinu einasta augnabliki og allra síst okkar ákvörðun um að fara inn í ríkisstjórn og leggja okkar af mörkum.

Ég á ætíð eftir að verða stoltur af því. Og ég er sannfærður um að stjórnmálasagan mun skrifast þannig að þetta voru mikilvægir og afdrifaríkir tímar fyrir landið og það sem við lögðum af mörkum skipti sköpum.

Sagan er náttúrulega þegar orðin þannig svo að hún verður ekkert umskrifuð úr þessu. Það er ekki hægt að láta fjögurra ára kafla hverfa úr sögu þjóðarinnar.

Þannig að við eigum orðið okkar sess þar í þeirri merku sögu og ég er bjartsýnn á framhaldið.

Þannig að ég gæti eiginlega ekki verið sáttari á þessum dagi,“ sagði Steingrímur J. Sigfússon, skömmu eftir að hann lauk kveðjuræðu sinni í kvöld./////////////Engum er als varnað ekki einu sinni Steingrími!!! en maður þarf ekki að hæla honum, hann gerir það svo vel sjálfur karlinn,að við því er engu að bæta ,engda við búin að fá flest nóg eða hvað eru ekki fylgi hans og flokksins í algjöru lágamarki um 7% eða svo!!!óvinsælar aðgerðir eru ekki þarna inni sem hann talar um,það eru bara vitlaust gefið og ekkert annað ,"það sem helst hann varast kann varað að koma yfir hann" segir máltækið ,við erum ekki að tala um hann nema pólitíkus ekki sem heimilismann og vin eða hvað það nú heitir,engin að sverta það als ekki!! en þessu ferill í 4 ára er ekki til að guma af það hefur komið inn sem betur fer gott verð fyrir allan okkar útflutning Fiskin og Álið og annað í tæknigeiranum og ferðamennskunni og fl.en forgangröðin er ekki til að að hæla sér af nema síður sé og það er hundurinn grafin að það er allt vitlaust,sem á að vara rétt gefið,við höfum verndað þá smáu og lágt á þá háu eða jafnað tekjurnar segir hann,öfugmæli og ekkert annað Bruðlað men peninga í styrki og flottheita og ferðalög óþörf oft,en er að drepa heilsugæsluna með sparnaði og þrældómi,og engar skuldir greiddar nema í nauðsins,vegna framtakleysis og atvinnuleysis eða er það ekki,við bara sjáum ekkert sem heita framafarir bara afturfarir frá kreppunni!!!svo skal þarna bara hæla sér og kenna Íhaldinu um það eru þau sammála öll þarna á vinstri vængnum!!!enda á það eftir að koma þeim illa í kosningunum/Halli gamli

Sér ekki eftir neinu