Búast við nýju flóði/ þetta er allt i fullum gangi!!!!

Búast við nýju flóði
Innlent | mbl.is | 17.4.2010 | 11:10
Almannavarnir búast við því að nýtt flóð komi í Markarfljót á næstu klukkutímum. Ekki hefur komið stórt fljóð í ána síðan í gærkvöldi, en mikill kraftur er í gosinu.
Það er mikið líf í eldstöðinni. Gufusprengingarnar eru kröftugar og mikinn mökk leggur frá jöklinum. Við erum að fylgjast mjög vel með Gígjökli vegna þess að það er orðið nokkuð langt síðan skot kom úr jöklinum. Það er hugsanlegt að það sé orðið sírennsli í gegn, en okkur finnst ekki vera það mikið rennsli eins og er að það sé sennilegt,“ sagði Víðir Reynisson deildarstjóri almannavarna.

„Það er mikill öskumökkur yfir byggðina undir Eyjafjöllum. Þetta nær frá bænum Sauðhúsavöllum og austur fyrir Skóga. Það er líka öskufall á Sólheimasandi.“

Búið er að opna fjöldahjálpastöðvar í Heimalandi, Vík og Klaustri. Víðir sagði þetta ekki gert vegna rýmingar heldur til að gefa fólki á svæðinu tækifæri til að hittast.

Búið er að skipuleggja þrjú flug vísindamanna yfir gosstöðvarnar. Magnús Tumi Guðmundsson jarðeðlisfræðingur flaug yfir svæðið í morgun. Víðir sagði að mjög bjart væri við jökulinn og gott tækifæri til að leggja sjónrænt mat á eldstöðina.

Björgunarsveitarmenn eru á vakt við Þórólfsfell og fylgjast með því sem er að gerast við Gígjökul. Auk þess er fylgst með jöklinum úr vefmyndavélum. Víðir sagði að margir björgunarsveitarmenn væru á svæðinu í dag í ýmsum verkefnum.

Engir sem ekki eiga erindi fá að fara lengra en að Hvolsvelli.////allar varúðarregglur ber að virða,en blessað fólkið sem hefur öskuna yfir sér þarna i landeyjum og undir Eyjafjöllum og Vestamanneyjum það hefur nóg að gera við að bjarga ser og sínum búskap/þetta er erfitt mjög og það bara vonandi að þessu fari að linna/Halli Gamli

Búast við nýju flóði