Um 60 milljón niðurstöður á Google/ slær þetta nokkur út ????

Um 60 milljón niðurstöður á Google
Veröld/Fólk | mbl.is | 17.2.2011 | 15:44
Paris Hilton er þrítug í dag. Hún er meðal þekktustu einstaklinga samtímans, 59.900.000 leitarniðurstöður í Google eru til marks um það.

Paris heitir fullu nafni Paris Whitney Hilton og er dóttir hjónanna Richard Howard Hilton, viðskiptajöfurs og Kathy Hilton leikkonu.

Paris fæddist í New York, elst fjögurra systkina. Systkini hennar eru  Nicholai Olivia, sem einna kunnust eru undir nafninu Nicky, Barron Nicholas Hilton II og Conrad Hughes Hilton III.

 Langafi Parisar var Conrad Hilton, stofnandi Hilton hótelkeðjunnar.

Ólst upp í hótelsvítu

Í uppvextinum bjó Paris víða, meðal annars á svítu á Waldorf-Astoria hótelinu á Manhattan, í Beverly Hills og í Hamptons.

Meðal leikfélagar Parisar á uppvaxtarárunum voru Nichole Richie og Kim Kardashian.  Skólagangan fór fram í Kaliforníu,  í klausturskólanum Convent of the Sacred Hearth, þar sem Lady Gaga var meðal skólasystra og í heimavistarskóla í Connecticut, þaðan sem hún var rekin fyrir að brjóta skólareglur.

Paris hefur verið nefnd í sömu andrá og fyrirbæri sem á ensku kallast celebutante, en með því er átt við fólk sem verður frægt fyrir að hafa fæðst til auðæfa og fyrir eftirtektarverðan lífsstíl. En hið gagnstæða kemur í ljós sé rýnt í ævi hennar, því starfsferill hennar er nokkuð fjölbreyttur.

Fjölbreyttur ferill

Meðal þess sem Paris hefur tekið sér fyrir hendur er söngur, leikur, fyrirsætustörf og margvísleg hönnun. Hún varð fyrst fræg vegna fyrirsætustarfa, en hún hóf að sitja fyrir á barnsaldri. 19 ára gömul skrifaði hún undir samning við fyrirsætuumboð Donalds Trumps, T-Management, en hún hefur einnig starfað fyrir Ford Models og Premier Models í London. Hún hefur birst í fjölda auglýsinga, meðal þeirra eru auglýsingar fyrir GUESS, Tommy Hilfiger og Dior.

Leikferill Parisar hefur sömuleiðis verið fjölbreyttur, hún hefur leikið smáhlutverk í ýmsum kvikmyndum og sjónvarpsþáttum, hún lék aðalhlutverkið í þáttunum „The Simple Life“ ásamt vinkonu sinni Nicole Richie. Leikur Parisar hefur fengið nokkuð misjafnar viðtökur

Hún hefur gefið út þrjár plötur, sem sömuleiðis hafa fengið blendna dóma. Rithöfundarferill hennar hófst árið 2004 þegar hún skrifaði ævisögu sína. Bókin fékk fremur slælegar viðtökur gagnrýnenda, en hafnaði á lista The New York Times yfir mest seldu bækurnar. Nokkru síðar var gefin út bók eftir Paris með ráðum fyrir tilvonandi samkvæmisdömur.

Þá eru ótaldir listrænir hæfileikar Parisar, en hún hefur hannað (eða lagt nafn sitt við) ýmis konar varning. Má þar nefna handtöskur, ilmvötn, hundafatnað, hárlengingar, skó, fatnað og skartgripi.

Fjölskrúðugt einkalíf

Ástalíf Parisar hefur verið fjölbreytt, rétt eins og starfsferill hennar. Hún hefur tvisvar sinnum verið trúlofuð; fyrirsætunni Jason Shaw og Paris Latsis sem er grískur erfingi skipafélags. Meðal annarra kærasta Parisar eru annar grískur skipafélagserfingi, Stavros Niarchos III, Benji Madden (sem nú er gifturNicole Richie, fyrrum bestu vinkonu hennar og Doug Reinhardt. Núverandi kærasti Parisar er Cy Waits, sem er eigandi næturklúbba í LAs Vegas

 

• 

  Reuters

• 

  Reuters

 

Kynlífsmyndbandi af Paris og Rick Salomon, þáverandi kærasta hennar, var „lekið“ á netið árið 2004 og hófst þá flóðbylgja álíka myndbanda sem fóru „óvart“ fyrir almenningssjónir og sköpuðu þeim sem þar sáust mikla frægð. Myndband Parisar var síðar gefið út undir nafninu One night in Paris.

Hilton er þekkt fyrir ást sína á dýrum. Þekktasta gæludýr hennar er Chihuahua hundurinn Tinkerbell, en sjálfsævisaga hundsins hefur verið gefin út. 

Góðkunningi lögreglunnar

Paris hefur gengið brösuglega að halda sig réttum megin laganna. Árið 2006 var hún tekin fyrir að aka undir áhrifum áfengis, ári síðar var hún kærð fyrir gáleysislegan akstur og sama ár var hún tekin fyrir hraðakstur. Hún framdi ýmis umferðarlagabrot og var dæmd til 45 daga fangelsisvistar fyrir að hafa rofið skilorð. 

Á meðan hún sat á bak við lás og slá varð Paris fyrir trúarlegri uppljómun og ákvað að hefja nýtt líf, þar sem áhersla yrði á guðsótta og góða siði.  Sú hugarfarsbreyting entist stutt.

Árið 2010 var Hilton tekin fyrir vörslu kannabisefna á flugvelllinum á Korsíku og stuttu síðar var hún handtekin fyrir að vera með kókaín í tösku sinni.

„Lífið er of stutt til að falla í hópinn“ 

Paris þykir nokkuð orðheppin. Meðal snjallra setninga sem hún hefur látið úr sér eru: „Sannur erfingi er aldrei vondur við neinn. Nema við stelpuna sem stelur kærastanum frá henni“,  „Eina reglan er: Ekki vera leiðinleg“, „Lífið er of stutt til að falla í hópinn“ og „Ég læt eins og afmælið mitt sé á hverjum degi“ //////maður bara spyr eins og asni !!!!slær þetta nokkur út þessa millíjaðarmær,spurning sem kannski er ekki hægt að svara!! en svona er þetta og það er mikið talað um þessu ríku stúku og mikið verið með hana á milli tannanna svo er hún ekkert óvön því að þurfa að svar fyrir sig,og gerið það óspart,en maður er samt hissa ,HVERNIG ÞESSU AUÐUR FER ,ÞARNA ER VON AР FÓLK FÁI NÓG OG VEL ÞAÐ/HALLI GAMLI

Um 60 milljón niðurstöður á Google

Athugasemdir

[Jóhann Elíasson, 17.2.2011 kl. 23:24]

Sumum finnst betra að vera "frægur af endemum" en óþekktur..............