„Vondar fréttir“/við' verðum bara að vona að úr rætist/satt Kristján Loftsson er ekki fyrir að gefast upp!!!

„Vondar fréttir“
Innlent | mbl.is | 10.5.2011 | 14:53
„Þetta eru vondar fréttir,“ segir Árni Múli Jónasson, bæjarstjóri Akraness, spurður út í ákvörðun Hvals hf. að fresta hvalveiðum í ár um óákveðinn tíma vegna ástandins í Japan. Um verulega hagsmuni sé að ræða fyrir sveitarfélagið og íbúa þess, enda um mörg störf að ræða.

Tugir Akurnesinga hafi haft atvinnu af hvalveiðum, bæði í Hvalstöðinni í Hvalfirði og í kjötvinnslunni í bænum.

„Í því árferði sem núna er þá munar nú um minna en þetta. Við getum í sjálfu sér ekki gert annað en vonað að úr rætist og óskað Kristjáni [Loftssyni, framkvæmdastjóra Hvals hf.] velfarnaðar í því. Hann er nú reyndur af öðru heldur en að gefast upp,“ segir Árni í samtali við mbl.is.

 

„Við erum ekki búin að reikna út áhrifin, en þau eru neikvæð. Það munar um hvert starf í núverandi árferði,“ bætir hann við.

Aðspurður segir Árni að sveitarfélagið leiti ávallt leiða til að örva atvinnu. Sérstakur starfshópur sinni því verkefni. Þá verði starfsmaður ráðinn í tímabundið starf sem hafi það verkefni að reyna að leita leiða til að hjálpa og styðja við atvinnumálin.

Í sumar verði allmörg atvinnuátaksverkefni í gangi. Vonir standi til þess að hægt verði að bjóða allt að 50 tímabundin störf til að koma til móts við atvinnuleitendur og námsmenn.

„Þó að ýmislegt sé hér erfitt þá hefur Grundartangasvæðið staðið vel og við höfum notið þess. Það eru býsna margir héðan sem þar starfa. Þannig að það gæti verið verra. En Hvalstöðin skiptir máli og þarna hafa verið vel launuð störf fyrir marga. Þannig að þetta kemur býsna illa við töluvert stóran hóp,“ segir Árni að lokum. ////þetta er ekki gott eins og maður sagði fyrr í dag ,þetta er mjög svo slæmt á allavegu atvinnulega og svo að halda hlutunum við til veiða og að Japanir skuli ekki geta keypt þetta kjöt sem er eitt það besta i heimi og holt eftir því,við íslendingar vitum það eina og Japanir,en hvernig væri að við tækjum þátt i að greiða það það niður fyrir þá sem aðstoð, sem ekki veitir af þarna,skoðum málin betur!!!/Halli gamli

„Vondar fréttir“