Skiptar skoðanir á bensínhækkunum//þetta er bara svindl,og ekkert annað!!!

Skiptar skoðanir á bensínhækkunum Innlent | mbl | 22.3.2013 | 16:17 Framkvæmdastjóri FÍB segir óeðlilegar hækkanir hafa orðið á bensíni, það hefði átt að lækka vegna lækkunar heimsmarkaðsverðs og gengisþróunar.

Markaðsstjóri Atlantsolíu segir að reynt sé að endurspegla heimsmarkaðsverð og nefnir dæmi um að verð hafi ekki hækkað, þrátt fyrir hækkanir á heimsmarkaði.

FÍB reiknar reglulega út álagningu olíufélaganna á eldsneyti og segir að bensínlítrinn sé um tíu krónum of dýr miðað við lækkun heimsmarkaðsverðs og styrkara gengi krónu.

Á vefsíðu FÍB segir að í byrjun ársins hafi innkaupsverð bensíns verið nánast hið sama og það er nú. Skattar og álögur ríkisins voru þær sömu og sömuleiðis gengi krónunnar.

Útsöluverð til neytenda var ekki það sama og nú, heldur var það rúmum átta krónum lægra.

Þá kostaði bensínlítrinn kr. 246,80, nú kostar hann 255,30. Álagningin átta krónum hærri en að meðaltali í fyrra „Olíufélögin segja að við notum ekki rétt viðmið við þessa útreikninga.

En okkar upplýsingar koma frá Financial Times og við höfum notast við þær lengi. Samkvæmt þeim er álagning á bensín um þessar mundir átta krónum hærri en hún var að meðaltali í fyrra miðað við vísitölu,“ segir Runólfur Ólafsson, framkvæmdastjóri FÍB.

Þróun verðs á dísilolíu og hvernig það er samsett. „Til þess að reikna þetta út notum við sömu aðferðafræði og notuð er í nágrannalöndum.

Við erum með skráð heimsmarkaðsverð, viðskiptin eiga sér stað í bandarískum dollurum, þannig að við skráum daglega gengi á mörkuðum. Bensín og díselolía eru seld í tonnum og við reiknum lítrafjöldann út frá eðlisþyngd hvors um sig. Síðan bætast við skattar, álagning og flutningskostnaður.

“ Runólfur Ólafsson framkvæmdastjóri FÍB: SteinarH „Út frá þessu finnum við svokallað álagningarviðmið, sem við uppreiknum með vísitölu neysluverðs. Með þessum útreikningum sjáum við að meðalálagning og flutningskostnaður ársins 2012 var 34 krónur á hvern bensínlítra og 38 á dísellítrann.

Þetta var einni krónu hærra á bensínlítrann en árið á undan og þremur krónum á díselið.“ „Fólk er mjög uggandi vegna eldsneytisverðs.

Rekstur einkabílsins er næst stærsti útgjaldaliður heimilanna og í mörgum tilvikum eru almenningssamgöngur eða hjólreiðar ekki raunhæfur valkostur,“ segir Runólfur. Reynum að endurspegla heimsmarkaðsverðið „Álagning er alltaf á hreyfingu í báðar áttir.

Við reynum eins og við getum að endurspegla heimsmarkaðsverðið, á einum tíma er það á leiðinni upp, á öðrum tíma á leiðinni niður. Svo kemur eitthvað bil þar á milli sem við erum að reyna að endurspegla“ segir Hugi Hreiðarsson, markaðsstjóri Atlantsolíu.

„Ef við tökum dæmi um það sem hefur verið að gerast upp úr áramótum, þá kostaði tonnið af bensíni 961 dollara 31. desember síðastliðinn og þá kostaði bensínlítrinn 246,50 kr.,“ segir Hugi. „Þann 9. janúar kostaði tonnið 1.006 dollara.

Gengið á dollarnum á þessum sömu dögum fór úr 128,59 í 130,14 krónur. Bensínlítrinn kostaði áfram það sama, þarna hækkaði bensínverðið ekki þrátt fyrir að innkaupsverð hefði hækkað.

Enginn vill verða fyrstur til að hækka verðið, það er reynt að bíða eins lengi og hægt er. En á einhverjum tímapunkti hækkar einhver og hinir fylgja á eftir.“ Fagnar eftirliti FÍB Hugi segir að undirliggjandi hækkanir sem þessar þurfi að taka með inn í reikninginn.

„Ég er ekkert að rengja tölur FÍB, en á meðan flöktið á innkaupsverðinu og genginu er svona mikið, þá munu alltaf verða svona stöðumyndanir þar sem hægt er að halda því fram að við séum að hækka álagninguna.

“ Hugi segist fagna því hversu vel FÍB fylgist með eldsneytisverði. „Þau halda okkur á tánum og er það bara vel.“/////////////////////það er að verða hið versta mál að fá þetta á hreynt,hvað er álagning og ekki_???en þetta er bara svona að allt skal vera hærra en lægra,krónan hefur styrkst og þessa vegna á þetta að lækka en ekki hækka og um það sníðst þetta heimsmarkaðsverð staðið í stað!!!!en þessu verður að taka á og gera skurk vel þarna,við erum öll orðin þreytt á okrinu hjá Olíufélögum og Ríkinu/Halli gamli

Skiptar skoðanir á bensínhækkunum

Athugasemdir

[ViceRoy, 22.3.2013 kl. 19:05]

Ég er heldur bara ekki frá því að fyrirkomulagið hér áður hafi verið betra, þegar félögin hækkuðu bara mánaðarlega, þá kostaði bensínið þá upphæð út mánuðinn... eftir að tölvukerfin hjá olíufélögunum voru uppfærð í það sem þau eru í dag, er verið að hringla með verðið hægri vinstri. Ég man nú bara þegar að ég vann á bensínstöð, þegar þessi breyting varð, þá var maður sjálfur oft orðinn hálfringlaður á þessu, þar sem það var ekki gefin út tilkynning til allra starfsmanna bensínstöðvanna um hækkanir eða lækkanir.

Það er held ég alveg sama í hvora áttina er litið, álagning olíufélaga eða álagning ríkisins... þetta er algjörlega út í hött, og eiginlega verra er það frá stjórnvöldum.

[Ufsi (IP-tala skráð) 22.3.2013 kl. 19:07]

Það undarlegasta við það sem þú kallar okrið hjá olíufélögum er að það er álagning með flutningskostnaði sem þó er ekki nema þriðjungur af skattlagningu ríkisins. Og sé horft á aðrar vörur þá er okrið hjá olíufélögunum fjórðungur af álagningu matvöruverslana, tíundi hluti af álagningu fataverslana og ekki eru byggingavöruverslanir og veitingahús rekin sem góðgerðarstofnanir. Væri ekki fyrir álagningu ríkisins væri bensínið ódýrara en metanið sem við framleiðum. En þar eru stærstu kostnaðarliðirnir borgaðir með gjaldeyri.