Kári Árælsson: Búinn að dreyma að ég lyfti bikarnum á loft/Mig dreymdi það sama um Fram!!!!

| mbl | 3.10.2009 | 9:19
Kári Ársælsson fyrirliði Breiðabliks elur þá von brjósti sér að verða fyrsti leikmaður karlaliðs Breiðabliks sem tekur á móti alvöru bikar en Breiðablik mætir Fram í úrslitum Visa-bikarkeppninnar í knattspyrnu klukkan 14 á Laugardalvellinum í dag. Framarar hafa sjö sinnum hampað bikarmeistaratitlinum, síðast fyrir 20 árum, en Blikar hafa hvorki landað Íslands- né bikarmeistaratitlinum er langstærsti leikurinn hjá okkur öllum á ferlinum nema hjá Arnari Grétarssyni sem hefur spilað nokkra stórleiki á löngum ferli sínum. Það er því eðlilega mikill spenningur. Ég er ekkert hræddur um að við kiknum í hnjánum þegar við göngum inn á völlinn. Leikurinn við Keflavík í undanúrslitum var stórleikur og mikil spenna fyrir hann og okkur tókst að komast yfir hann og vinna sannfærandi sigur,“ sagði Kári í samtali við mbl.is.

Sagan segir að Breiðablik hefur aldrei unnið titil í meistaraflokki karla svo þið þurfið að yfirstíga ansi erfiða hindrun?

,,Það er draumur okkar allra að vera hluti af því liði sem vinnur fyrsta titilinn fyrir Breiðablik. Það yrði frábært að ná að brjóta ísinn og sigur myndi gefa félaginu gríðarlegan meðbyr til næstu ára. Það er allt á uppleið hjá félaginu og bjartir tímar fram undan. Nú vantar bara að vinna stóran titil og það við ætlum við okkur svo sannarlega að gera.

Ég get ekki lofað því að verða sá fyrsti hjá Breiðablik til að taka á móti stórum titli en ég mun gera mitt allra besta til að ná því. Ég er búinn að dreyma það undanfarnar nætur að ég sé að lyfta bikarnum á loft og vonandi er það sem koma skal.“

Um helstu styrkleika Fram-liðsins segir Kári;

,,Styrkur Framara felst í rosalega sterkum og öguðum varnarleik alls liðsins. Ég er mjög hrifinn af þolinmæðinni sem er í liði þeirra og við verðum bara að svara því með að vera þolinmóðir sjálfir. Framarnir gefa ekki mörg færi á sér og þeir gefast aldrei upp samanber í leiknum á móti okkur í Kópavoginum þegar þeir náðu að jafna metin eftir að hafa lent 3:0 undir,“ sagði miðvörðurinn sterki í liði Breiðabliks//Vonandi verður þetta skemmtilegur leikur og gaman ,auðvitað heldur maður með sínum mönnumm  Fram,en góð knattspyrna er alltaf til fyrirmyndar ,vonum það besta,og megi sá betri vinna/Halli gamli

Kári Árælsson: Búinn að dreyma að ég lyfti bikarnum á loft