Með 381 þúsund í dagvinnulaun/Það er marks að gætta þarna,með aðra launaflokka!!!

Með 381 þúsund í dagvinnulaun Innlent | mbl | 6.2.2013 | 12:40 Meðaldagvinnulaun hjúkrunarfræðinga í september á síðasta ári voru 381.566 krónur. Heildarlaun þeirra námu 519.019 krónum.

Laun hjúkrunarfræðinga eiga að hækka samkvæmt kjarasamningi um 3,25% um næstu mánaðamót sem þýðir að meðaldagvinnulaun þeirra verða þá um 394 þúsund á mánuði.

Fjármálaráðuneytið birti nýverið samantekt um laun einstakra starfsstétta. Um er að ræða beinar upplýsingar úr ríkisbókhaldi um raunverulega greidd laun. Tölur um laun hjúkrunarfræðinga byggja á launum hjúkrunarfræðinga sem eru í 1.533 stöðugildum.

Mikill meirihluti þeirra starfar á Landspítala, en þar starfa um 1.200 hjúkrunarfræðingar. Kjarasamningur hjúkrunarfræðinga við ríkið var gerður í júní 2011 og gildir til 31. mars 2014. Samningurinn gerir ráð fyrir fjórum launahækkunum.

Þriðja launahækkunin á að taka gildi 1. mars nk, en hún er upp á 3,25% eins og hjá flestum öðrum stéttum. Síðasta hækkunin kemur til framkvæmda eftir eitt ár en hún felur í sér eingreiðslu upp á 38.000 krónur.

Stór hluti hjúkrunarfræðinga vinnu vaktavinnu, en samkvæmt tölum fjármálaráðuneytisins fengu hjúkrunarfræðingar að meðaltali um 50 þúsund krónur í vaktaálag á síðasta ári.

Yfirvinnugreiðslur er einnig mismunandi, en þær námu liðlega 70 þúsund krónum að meðaltali í september á síðasta ári. Félagsmenn í BHM sem starfa hjá ríkinu voru með 442.524 krónur í meðaldagvinnulaun í desember sl. Hjúkrunarfræðingar eru því með rúmlega 60 þúsund króna lægri dagvinnulaun en 4.656 félagsmenn í BHM sem starfa hjá ríkinu

. Þess má geta að hjúkrunarfræðingar eru ekki lengur innan BHM. Heildarlaun hjúkrunarfræðinga og félagsmanna í BHM eru hins vegar svipuð. Framhaldsskólakennarar eru með mjög svipuð laun og hjúkrunarfræðinga, bæði þegar horft er til dagvinnulauna og heildarlauna.

Menntun þessara stétta er sambærileg en kennarar vinna hins vegar ekki vaktavinnu eins og stór hluti hjúkrunarfræðinga gerir. Fleiri stéttir knýja líka á um hækkun launa Ljóst er að aðrar stéttir á Landspítalanum horfa til þess hvernig kjaradeilda hjúkrunarfræðinga endar.

Liðlega 40 geislafræðingar á Landspítalanum hafa sagt upp störfum vegna óánægju með laun. Meðaldagvinnulaun geislafræðinga sem starfa hjá ríkinu í desember voru 337.455 kr. (meðalheildarlaun á síðasta ári 520.676 kr).

Lífeindafræðingar hafa líka þrýst fast á að laun þeirra verði bætt með gerð stofnanasamnings. Meðaldagvinnulaun lífeindafræðinga sem störfuðu hjá ríkinu í desember voru 353.875 kr. (meðalheildarlaun á síðasta ári 506.731 kr)

Félagsráðgjafafélag Íslands sendi nýverið frá sér ályktun þar sem fagnað er yfirlýsingu ríkisstjórnarinnar frá 22. janúar um jafnlaunaátaki. Bent er á að á Landspítalanum starfa 46 félagsráðgjafar, 45 konur og einn karl.

Meðaldagvinnulaun félagsráðgjafa sem starfa hjá ríkinu í desember voru 406.604 kr. (meðalheildarlaun á síðasta ári 431.269 kr) Hjúkrunarfræðingar á Sjúkrahúsinu á Akureyri (FSA) hafa einnig sent frá sér yfirlýsingu þar sem samþykkt ríkisstjórnarinnar um jafnlaunaátak er fagnað.

„Hinn kynbundni og ráðuneytabundni launamunur sem fjármála- og efnahagsráðherra og velferðarráðherra hafa viðurkennt að hafi viðgengist gagnvart hjúkrunarfræðingum í fjölda mörg ár er óásættanlegur.

Við viljum sjá raunhæfar aðgerðir fylgja þessum orðum og að laun hjúkrunarfræðinga verði leiðrétt í miðlægum kjarasamningum til jafns við aðra ríkisstarfsmenn með sambærilega menntun.“//////////////Við getum ekki annað en skoðuð sambærileg laun annarra og þetta verður að fylgjast að það er svo að við getu  ekki keppt við Noreg als ekki þetta verður að vara sanngjarnt sem það gæti verið!!Auðvitað eru öll laun það ekki í dag eftir allar þessar hækkanir en við verum bara að taka því að sinni,en við erum öll sem höfum undir þessum launum þeirra og það samúð okkar  ekki spurning,við gamlingjar sem hafa lífeyrisjóð og Tryggingar erum i besta falli með 180 þus á mánuði ekki meira og rekum heimili sem lengst,en getum akki farið til Noregs!!Lögreglumenn eru með svipuð laun  Hjúkkur og margir fleiri og ekki er það mynna starf,en við bara biðjum um að þetta verði skoða vel og hjúkkur viti hvað þær eru að fara útí,og einnig að þarna er á ferð ekki bara þeirra laun heldur allra sem vinna svipaða vinnu,en þær blessaðar eiga allt gott skilið/Halli gamli

Með 381 þúsund í dagvinnulaun

Athugasemdir

[Guðjón Sigþór Jensson, 6.2.2013 kl. 22:28]

Væri alveg sáttur með þessi launakjör hjúkrunarfræðinga. Er núna í 37,5% starfi sem barnapassari í Skólaseli Varmárskóla í Mosfellsbæ núna í vetur með 84.165 á mánuði á sennilega háværasta vinnustað í Mosfellsbæ. En að vori vilja nánast allar ferðaskrifstofur fá þann gamla sem leiðsögumann og þá hala eg inn mánaðarkaupið yfir vetrarmánuðina nánast á einni viku!!! Svona eru kjörin misjöfn!

Væri alveg til að fá eitthvað betur borgað yfir vetrartímann!

Góðar kveðjur!

[Iris (IP-tala skráð) 7.2.2013 kl. 09:13]

Sæll Guðjón Sigþór Jensson

Ert þú búin að taka 4 ára nám til að geta gengt þessu starfi sem þú ert að vinna (barnapassari)? Ef ekki finnst mér þetta fáránleg samlíking hjá þér. Ertu líka að taka ákvarðanir sumar hverjar sem geta skipt sköpun í því hvort að fólk lifir eða deyr (eins og læknar og hjúkrunarfólk) og það stress sem því fylgir? Ég þekkji hjúkrunarfræðing sem er að vinna sem barnapassari. Hún fór niður í laun við það, en henni þótti það þess virði að sleppa við vaktavinnuna, stressið sem var að sliga hana og allt sem fylgdi. Henni þykir semsagt sanngjarnt að vera með þau laun sem hún er með núna, þar sem að hún sleppur við allt hitt. Ég þekkji MJÖG marga hjúkrunarfræðinga sem hafa flúið fagið vegna þess eins að þeim finnast þau ekki geta unnið sína vinnu vegna álags, stress og ekki getur maður sagt að það sé alla vega þess virði að maður fái vel borgað fyrir vinnuna og geti þá notið þess. Nei, því miður....

[Guðjón Sigþór Jensson, 7.2.2013 kl. 23:49]

Eg hef verið að leita mér að vinnu yfir vetrarmánuðina og þetta er það eina!

Svona verðum við sem erum komin yfir 60. Við verðum að sætta okkur við margt og að taka störf sem fáir vilja. Mikil ábyrgð fylgir að gæta barna og ekki tekst það alltaf eins og við viljum, m.a. vegna of margra barna en of fárra starfsmanna.

Við fengum einn starfsmann nú nýverið sem entist vikuna!

Semsagt mikil umhyggja og mikil ábyrgð á lágmarkslaunum!

[Haraldur Haraldsson, 8.2.2013 kl. 14:41]

Sammála þér Mosi þetta er svona þvi miður þú gast ná laumað að henni að þú hefðir lærdóm og allt það,en við eigum að vara kurteins það er málið!!!/Kveðja P/S ekki heldur að gera litið úr þvi sem Íris segir!!!!